E fundit!

11:05 Aktualitet

Aeroporti i Vlorës/ Pacolli: Vendimi i Gjykatës së Lartë tregon horrorin që është bërë mbi mua, u kërcënuam me jetë

Pas zbardhjes së vendimit të Gjykatës së Lartë për çështje...

Ish-deputeti i PS jep alarmin/ Akuza të forta qeverisë, të fillojnë menjëherë hetimet

15 Gusht 2018, 10:28, Aktualitet CNA

Ish-deputeti i PS, aktualisht kryetar i partisë ZGJIDHJA, Koço Kokëdhima në një deklaratë për mediat ka reaguar në lidhje me tragjedinë në Genova, ndërsa ngre alarmin se një ngjarje e tillë mund të përsëritet edhe në Shqipëri.

Ndërsa shpreh ngushëllime për viktimat në Itali, Kokëdhima po ashtu ka kërkuar hetime të menjehershme për një kontratë të qeverisë shqiptare me firmën që ka ndërtuar urën në Genova.

Sipas tij, ?kjo kompani, i ka shtrirë aktivitetet edhe në Shqipëri, përmes kompanisë-bijë ?INSO? e cila firmosi në majin e kaluar me qeverinë shqiptare kontratën për ndërtimin e spitalit të ri 7-katësh në QSUT ?Nënë Tereza?, me vlerë 14.4 milionë euro?.

Kokëdhima kërkon rishikimin e kësaj kontrate, ?duke patur parasysh jo vetëm pasojat tragjike të investimeve të kompanisë-mëmë, arrestimin dhe akuzat ndaj drejtuesve të saj, por edhe faktin se në Shqipëri tenderat u dhurohen vetëm kompanive që paguajnë rryshfete të majme për anëtarët e qeverisë.?.

Kujtojmë këtu se kompania në fjalë, është përfshirë pak kohë më parë në një skandal korruptiv në Itali dhe presidenti i saj Duçio Astaldi me 5 zyrtarë të tjerë u prangosën për korrupsion.

Deklarata e plotë e Kokëdhimës:

Reagimi i partisë ZGJIDHJA pas ngjarjes tragjike në Itali

Të hetohet kontrata e spitalit me kompaninë italiane

Nga shembja e një ure në Xhenova të Italisë, deri më tani numërohen 35 viktima, 13 të plagosur dhe 10 të zhdukur, mes të cilëve është konfirmuar edhe një 22-vjeçar shqiptar që humbi jetën ndërsa shkonte në punë. ZGJIDHJA u shpreh ngushëllimet familjarëve të viktimave të kësaj tragjedie dhe bashkohet me dhimbjen e tyre. Kjo ngjarje e rëndë ngre alarmin edhe për punët që firma ndërtuese po bën në Shqipëri.

Kompania ?Condotte SPA?, ndërtuese e urës ?Morandi? në Xhenova të Italisë, prej muajsh është përfshirë në një skandal korruptiv në Itali dhe presidenti i saj Duçio Astaldi me 5 zyrtarë të tjerë u prangosën për korrupsion, pasi u akuzuan për abuzime për ndërtimin e tre pjesëve të autostradës Sirakuza-Xhela, në jug të Italisë dhe 6 të arrestuarit u përfshinë në një hetim për ryshfet. Komisioni i Vlerësimit të Ofertave kishte kryer procedura fiktive sepse fituesi ishte përcaktuar më herët.

Por kjo kompani, i ka shtrirë aktivitetet edhe në Shqipëri, përmes kompanisë-bijë ?INSO? e cila firmosi në majin e kaluar me qeverinë shqiptare kontratën për ndërtimin e spitalit të ri 7-katësh në QSUT ?Nënë Tereza?, me vlerë 14.4 milionë euro. ZGJIDHJA kërkon rishikimin e kësaj kontrate, duke patur parasysh jo vetëm pasojat tragjike të investimeve të kompanisë-mëmë, arrestimin dhe akuzat ndaj drejtuesve të saj, por edhe faktin se në Shqipëri tenderat u dhurohen vetëm kompanive që paguajnë rryshfete të majme për anëtarët e qeverisë.

ZGJIDHJA fton organet ligjzbatuese që të ndërhyjnë sa nuk është vonë, që ajo që ndodhi në Xhenova të mos përsëritet në Tiranë.