web counter
LEXO PA REKLAMA!

SHKARKO APP

App Store
Google Play

E fundit!

x

Prokurori i Krimeve të Rënda, mes Tahirit dhe Xhafajt/ Kërkohet shkarkimi i tij

10 Gusht 2018, 09:24, Aktualitet CNA

Vendimet e Komisionit të Vettingut, po kundërshtohen në masë nga Operacioni Ndërkombëtar i Monitorimit.

Dje, Operacioni Ndërkombëtar i Monitorimit u ka paraqitur Komisionerëve Publikë rekomandimin për ta ankimuar në Kolegjin e Posaçëm të Apelimit vendimin e Komisionit të Pavarur të Kualifikimit për konfirmimin në detyrë të  prokurorit për Krime të Rënda, Gentjan Osmani.

Gentjan Osmani, i cili, nuk arriti dot as një jave që ti gëzohet kalimit të Vettingut, është një nga prokurorët, që kërkoi arrestimin e ish-ministrit të Brendshëm Saimir Tahiri.

Përveç, këtij rasti ku nuk është i vetëm, Osmani ka  aktualisht në hetim edhe dosjen e njohur të ?dëshmitarit X?, apo ?Babales? personi që akuzoi vëllain e ministrit Fatmir Xhafaj për përfshirje në trafik droge, shkruan CNA.al.
Që prej ditës së djeshme, kur u bë publik njoftimi i Komisionerit Publik, në media janë  hedhur dyshime se  apelimi i vendimit të KPK ?së për Osmanin, ka prapaskena politike, për shkak se ai ka në duar hetime që lidhen me eksponentë të politikës,  por nuk përjashtohet edhe versioni i mosjustifikimit të pasurisë.

Tre janë versionet. I pari se ky ankimim ka lidhje me Saimir Tahirin, i dyti se ka lidhje me Fatmir Xhafajn, dhe i treti se  nuk ka jutifikuar dot pasurinë.

Sa i përket hetimeve për  ish-Ministrin e Brendshëm Saimir Tahiri, grupi i prokurorëve, me largimin e Elisabeta Imerit,  ka nisur të çmontohet tashmë.

Ndërsa  sa i përket hetimeve për dosjen e ?Dëshmitarit X?, apo ?Babales? personi që akuzoi vëllain e ministrit Fatmir Xhafaj, ende nuk ka rezultate.

Së fundmi, është hedhur alarmi, se gjyqtarët dhe prokurorët që nuk janë në krah të ministrit Xhafaj, do të largohen nga sistemi.

Pyetja shtrohet se a u bë shkak dosja e ?Dëshmitarit X?, që Osmani ka në duar për ta rikthyer sërish në Vetting?

Vetë, ministri Xhafaj, ka disa ditë që është tërhequr nga daljet publike,  ndërkaq ka hedhur në media vartësit e tij, që bëjnë presion mbi gjyqtarët dhe prokurorët.

Sa i përket aspektit pasuror kujtojmë,  ILDKPKI-ja kishte raportuar se Osmani kishte kryer deklarim të rregullt periodik dhe se nuk kishte fshehje të pasurisë.

Ndërsa, sipas  KPK-së,  prokurori Osmani nuk dispononte dokumente për një hua, për të cilën ka thënë se e ka marrë nga kushurinjtë e tij në Itali.

Më tej, nga analiza financiare, KPK-së ka konstatuar pamundësi për të shlyer këstet e një banese të blerë nga ana e prokurorit Osmani.

Nuk dihet se si KPK ?ja e mori vendimin për kalimin e Osmanit, me problematikat e hasura në aspektin pasuror./CNA.al

Kërkoi arrestimin e Saimir Tahirit/ Prokurori Gentjan Osmani nën hetim

 





Lajmet e fundit nga