E fundit!

09:27 Kronika

E rëndë në Korçë, 66-vjeçari i jep fund jetës

Rreth orës 08:40, në lagjen nr. 10, Korçë, një automjet ti...

Terror dhe breshëri plumbash në Shkodër/ Nuk ndalen vrasjet për hakmarrje

10 Gusht 2018, 07:36, Aktualitet CNA

Një ngjarje e rëndë tronditi Shkodrën në orët e para të mëngjesit, pasi të shtënat me armë zjarri nga persona të paidentifikuar i morën jetën një shtetasi.

Sikurse ka bërë të ditur policia ngjarja ka ndodhur në lagjen Guerile, pranë ish-poçerisë dhe viktima është shtetasi Fatbardh Lici, 53-vjeç.

Vëllai i këshilltarit bashkiak të Shkodrës Mustafa Lici, njëherësh edhe kunati i Lulzim Kullës, viktima Fatbardh Liçi dyshohet se është vrarë për motive hakmarrjeje. Policia në vendngjarje pas kyrjes së zonës ka gjetur 15 gëzhoja.

Ai dyshohet se është përfshirë në vrasjen e para disa viteve të shtetasit Astrit Kurmemaj. Kurmemaj ishte dënuar për vrasje dhe sapo ka dalë me leje nga burgu i Shënkollit është ekzekutuar.

Ngjarja e Kurmemajt:

?Megjithëse ishte i dënuar për veprën penale të vrasjes, Astrit Kurmemaj kishte arritur të fitonte një leje 5-ditore nga drejtuesit e burgut të Shënkollit. Ndonëse dilte në qytet Kurmemaj dinte të ruhej mirë, pasi i druhej hakmarrjes.

Një ditrë pasdreke Astrit Kurmemaj ka qenë duke lëvizur vetëm në këmbë dhe në kokë mbante një kapelë, si dhe një palë syze të mëdha dielli, për të mos u njohur nga kalimtarët e rastësishëm, në një lagje periferike të Shkodrës.

Gjatë kohës që Kurmemaj ka qenë duke u kthyer për në banesën e tij, pranë i është afruar një person dhe e ka qëlluar me pistoletë drejt e në kokë. Plumbi i ka shkaktuar vdekjen e menjëhershme, ndërsa autori i ngjarjes është larguar me shpejtësi, pa mundur të identifikohet dot nëpër rrugicat e shumta, që ndodhen në afërsi të vendit ku ka ndodhur ngjarja?.

Kjo është një ndër pistat që policia dyshon se mund të jetë kryer vrasja e mëngjesit të sotëm.

Gjithashtu është bërë e ditur se pak minuta pas ngjarjes në fshatin Dobraç është gjetur duke u djegur një mjet tip ?Benz?, i cili dyshohet se ka lidhje me ngjarjen.

Policia e cila ka shkuar në vendin e ngjarjes është duke punuar për zbardhjen e plotë të saj. /CNA.al

Të shtëna me armë zjarri/ Humb jetën një person

Krimi në Shkodër/ Zbardhen detajet e para

Ekzekutohet vëllai i këshilltarit bashkiak në Shkodër/ Policia jep detajet

Video/ Breshëri plumbash ndaj 53-vjeçarit në Shkodër