web counter
LEXO PA REKLAMA!

SHKARKO APP

App Store
Google Play

E fundit!

x

Përdhunoi në grup/ Arta Marku “justifikon” dënimin e ish-kryebashkiakut të Ramës?!

18 Korrik 2018, 19:24, Aktualitet CNA

Ish-kryebashkiaku i Kavajës Elvis Roshi u dënua pak ditë më parë nga Gjykata e Tiranës, me   60 orë punë të detyruar në interes të opinionit publik.

Ish-kryebashkiaku i Kavajës akuzohet për deklarim të rremë dhe falsifikim dokumentesh.

Roshi, i përzgjedhuri i kryeministrit Edi Rama, u detyrua të japë dorëheqjen pasi  doli në dritë  e kaluara e tij kriminale dhe  dënimin në Itali për përdhunim në grup.

Pas vendimit të gjykatës së Tiranës e cila dënoi me 60 orë punë ish kryebashkiakun e Kavajës Elvis Roshi për të cilin prokuroria kërkoi 7 muaj e 15 ditë burg, Partia Demokratike më 13 korrik nëpërmjet një deklarate për mediat akuzonte kryeprokuroren Marku se po falte personat e inkriminuar.

?Partia Demokratike që në fillim ka bërë të qartë se emërimi antikushtetues i Prokurores Private Politike Arta Marku nga Edi Rama u bë për të shpëtuar nga burgu atë, ministrat e tij të korruptuar dhe kryebashkiakët e tij të lidhur me krimin e organizuar? shprehej PD.

Pas kësaj akuze, ReportTv iu drejtua zyrës së Prokurorit të Përgjithshëm nëse ka apo jo një reagim apo përgjigje.

Prokuroria e Përgjithshme nëpërmjet këshilltarit për media Denion Ndrenika sqaroi se ?Ato që Ju, i emërtoni akuza, kurrsesi nuk i shohim si të tilla, por janë forma të nxitjes së debatit publik për çështje, të cilat për shkak të rëndësisë së subjekteve dhe mjedisit ku zhvillohen ato, janë bërë prej kohësh, pjesë e debateve politiko-mediatike dhe interesit publik?.

?Prokuroria e Tiranës na ka informuar se në rastin ?Roshi?, prokurori i çështjes Enklid Gjini, prokuror pranë Prokurorisë Tiranë, ka zhvilluar hetimin e rastit, ka ngritur akuzën ?Falsifikimi i formularëve e stampave?, parashikuar nga neni 190/ 1 i K. Penal ndaj Elvis Roshit dhe ka përfaqësuar akuzën në gjykim.

Në konkluzionet përfundimtare, ky prokuror ka kërkuar deklarimin fajtor të të pandehurit dhe dënimin me 7 muaj e 15 ditë burgim.

Për pjesën e dënimit të mbetur pa vuajtur, prej 1 muaji burgim, prokurori ka kërkuar pezullimin e ekzekutimit të dënimit me burgim në aplikim të nenit 59 të K. Penal.Gjykata e Rrethit Gjyqësor Tiranë ka deklaruar fajtor të pandehurin Roshi për akuzën e ngritur si dhe e ka dënuar atë me 7 muaj e 15 ditë burgim. Në ndryshim nga kërkesa e prokurorit, pjesën e pavuajtur prej 1 muaj burgim ia ka konvertuar me punë në interes publik, sipas parashikimeve të nenit 63 të K. Penal?, thuhet në përgjigjen e Prokurorisë së Përgjithshme.

 





Lajmet e fundit nga