Dy fytyrat e “lali Erit”/ Nga gishtat obezë të korrupsionit deri tek serviloja ndaj Ilir Metës

18 Korrik 2018, 16:39, Aktualitet CNA

Erion Veliaj, kryebashkiaku i Tiranës i ndërron fytyrat sipas interesit klientelist dhe klanor.

Nuk mungojnë faktet që përligjin dyfytyrësinë e tij, duke u bërë kështu i neveritshëm për opinionin publik, sado që po përpiqet ta mashtrojë me propaganda.

Sot ?lali Eri?, me njërën nga fytyrat e tij, ka dalë në publik, duke iu servilosur Presidentit Ilir Meta, për të cilin dikur nuk linte gjë pa thënë.

Por, pasi e ka akuzuar për korrupsion dhe ka thënë njëmijë e një të zezat për ta, ai i ka gëlltitur të gjitha, dhe ka vlerësuar lart figurën e Presidentit Meta.

Në një kohë kur pritet vetëm fjala e fundit nga presidenti i Republikës për ligjin për shembjen e Teatrit Kombëtar, nëse do ta dekretojë apo jo, ?lali Eri? , është shprehur i bindur se Presidenti Meta se do ta dekretojë ligjin.

?Unë shpresoj te Presidenti si institucion por edhe si person. Ilir Meta është një njeri jashtëzakonisht konstruktiv, që gjithmonë ka synuar paqe sociale, jo sherr, jo shamatë. Besoj se qetësia dhe dashuria do triumfojë për diçka për të cilën ka konsensus të gjerë politik tashmë te aktorët, te ata që votuan në Parlament dhe te popullata?, ka thënë Veliaj para gazetarëve.

Kjo, pra servilosja apo siç thotë populli lëpirja është njëra nga fytyrat e Erion Veliajt, ndërsa tjetra është ajo ku e akuzonte për korrupsion.

Risjellim në vëmendje rastin e denoncimit nga emisioni ?Fiks Fare?, ku u transmetua një video-regjistrim i fshehtë, në të cilin shfaqej Meta ku i kërkonte të ndërhynte për favore të jashtëligjshme ish ?ministrit të Ekonomisë, tashmë i ndjerë Dritan Prifti. Ndryshe rasti njihet si dosja e 7 përqindëshit.

Në atë kohë Veliaj akuzonte ashpër Ilir Metën.

?Pas Fiksit nuk e di cila pjesë ma shpifi meë shumë?ndoshta fillimi kur Ilir Meta pështyn gishtat obezë, si kambist ordiner dhe shfleton si të ishte shuk me lek atë defterin ku në listë vijonin Armo, Hec, Tec, kryetarja e Gjykatës së Lartë, prokurorët..NEVERI!?- shkruante Erjon Veliaj në rrjetet sociale.

Por sot, Veliaj i ka gishtat obezë të Metës, por edhe ky i fundit bën sikur ka harruar akuzat e Veliajt.

Meta nuk çudit askënd, pasi opinioni publik është mësuar ta shikojë sa në një krah në një tjetër, rreth tepsisë së pushtetit dhe rreth interesave të tij.

Cilës fytyrë të ?lali Erit? t?i besojmë asaj që deri dje akuzonte, apo kësaj të servilosjes, për interesa të ngushta klienteliste?

Qytetarët nuk mund të manipulohen me propaganda dhe mashtrime, në një kohë kur faktet tregojnë të kundërtën./CNA.al