Hije të forta dyshimi/ A po korruptohen gjykatësit e Vettingut?

18 Korrik 2018, 17:48, Aktualitet CNA

Procesi i Vettingut, i nisur praktikisht prej disa muajsh ka shkarkuar tashmë disa gjyqtarë dhe prokurorë.

Disa vendime janë dhënë në emër të justifikimit të pasurisë, ndërsa të tjera, në emër të lidhje të gjyqtarëve apo prokurorëve me botën e krimit.

Ndërkaq në media ka qarkulluar versioni, se janë dhënë vendime të dyshimta, pasi dhe ka edhe gjyqtarë e prokurorë të hequr kot apo dhe të tjerë që duhej të ishin hequr, por që kanë kaluar Vettigun.

Komentet në media janë të shumta. Por, përtej këtyre qëndrimeve të opinionit pubklik dhe mediave, Vettingu po khehet në një drapër dhe çekan komunist. Në njërën dorë kazmën dhe në tjetrër pushkën për të ?vrarë? këdo që del përpara pas urdhrave politik dhe sistemit të Vettingut, të kapur nga Qeveria siç thotë shpesh opozita.

Sot kreu i grupit parlamentar të LSI ?së Petrit Vasili e quajti të rrëzuar Vettingun, ndërsa deputeti demokrat Oerd Bylykbashi më herët e ka sulmuar këtë proces.

Por, përtej akuzave politike qëndrojnë edhe dyshimet e forta se seleksionimi dhe mungesa e një transparence të plotë dhe të besueshme gjatë Vettingut ka ngritur thashetheme për pagesa 300-400 mijë euro, deri në shuma marramendëse për të mbajtur postin.

Ashtu siç korruptoheshin gjytarët dje, mund të korruptohen edhe ata që drejtojnë procesin e Vettingut sot.

Të dyja palët janë gjyqtarë bashkë kanë punuar në të njëjtin sistem. Për më tepër mund të themi se brenda trupës së gjyqtarëve ka njerëz të lidhur me Qeverinë dhe Ministrin e Brendshëm, ashtu siç ka gjyqtarë të akuzuar për korrupsion dhe jo vetëm.

Ky është rasti kur hajduti i bën gjyqin hajdutit apo disa hajdutë duan të shpëtojnë, disa hajdutë të tjerë ose të ndershmit në gjykim të hajdutëve, por edhe hajdutë dhe të shumë akuzuar në krye të Vettingut, që si kamikazë politik po dënojnë me ?vdekje? padrejtësisht edhe atë pjesë të ndershme të sistemit të drejtësisë.

Janë gati dhe qëllojnë e ?vrasin? këdo me urdhër të partisë. Aty ku ka urdhër njërin e ?vrasin? me Vetting dhe tjetrin e vrasin nga xhepat.

Një Vetting skandaloz i turpshëm dhe totalisht i pabesueshmën.

Një proces, ky që tregoj se ILDKPKI nuk ka funksionuar se Prokuroria, ka fjetur mbi dosje të korrupsionit e ndërkaq në mënyrë qesharake, pjesë të korruptuara të sistemit të drejtësisë, po presin ?kokat? e kolegëve të tyre për partinë por edhe për të mbushur thesin.

Askush sot nuk mund t?i ndalojë shqiptarët që përtej qëndrimeve politike të thonë që nga drejtësia e korruptuar e kapur nga politika do të kemi një drejtësi të kapur nga politika dhe të zhytur në llumin e turpit dhe të padrejtësisë të Vettingut. Jo se akuzohet se po e tepron me ndershmërinë, por sepse ka hije të forta dyshimi për pagesa nga gjyqtarë milionerë për t?i shpëtuar Vettingut, sepse paratë që u vodhën njerëzve do ua japin atyre që bëjnë skanerin./CNA.al