web counter
LEXO PA REKLAMA!

SHKARKO APP

App Store
Google Play

E fundit!

x

Top Channel drejt shitjes!?

12 Korrik 2018, 10:31, Aktualitet CNA

Televizioni kombëtar Top Channel duket se përtej reformimit të tij dhe ndryshimeve thelbësore po shkon drejt shitjes. Në fakt, nuk është hera e parë që në qarqet mediatike fillon të kalojë ky informacion, pasi vite më parë u raportua se Top Channel do të shitej dhe po flitej për vlera të mëdha. Atëherë shuma e diskutuar ishte tek 30 milionë euro, por kjo nuk ndodhi.
Kohët e fundit në qarqet mediatike dhe politike ka filluar të përflitet dhe të diskutohet fort çështja e shitjes së Top Channel.
Në fillim të këtij viti administrimin e Top ChannEl e mori Ben Blushi, ish-kryetar i Libras, ish-ministër socialist dhe ish- deputet.
Në atë kohë u tha, se Ben Blushi bashkë me pronaren në minorancë të aksioneve të Top Channel Vjollca Hoxhën do të fillojnë një betejë të fortë me qeverinë për të ringritur televizionin.
Pati dhe thashetheme nga më të ndryshmet, se pas Ben Blushit qëndronte Becceti dhe financues të tjerë të cilat në fakt nuk u vërtetuan kurrë.
Ajo që ndodhi me kohën ishte se Top Channel nuk filloi betejën e fortë opozitare ndaj kryeministrit Rama, por thjesht disa sulme ndaj gjyqtarëve dhe kryesisht u mor me tema sociale, pra u kthye në një mini-Libra, parti që Blushi e drejtoi dhe e dështoi.
Por, mesa duket misioni i Blushit nuk ishte forcimi dhe ringritja e ekranit të Top Channel atje ku duhet, qëllimi ndoshta ka qenë diku tjetër.
Së fundmi burime i thanë CNA-së. se sherrnaja e Blushit me Edi Ramën ka kaluar dhe misioni i tij në Top Channel nuk është beteja me kryeministrin.
Nga ana tjetër, ditët ë e fundit CNA.al, raportoi se në një nga restorantet e kryeqytetit darkohej midis Ben Blushit administrator i Top Channel, Endri Fugës kryepropaganduesit të Qeverisë, ish-ministrit të shumë akuzuar për korrupsion dhe afera Ilir Beqaj, dhe biznesmenit, administratorit të Spitalit Amerikan Klodian Allajbeu.
Kjo darkë vjen pas informacioneve të përhapura se Top Channel kishte dalë në shitje sërish, pra Vjollca Hoxha kërkonte një shumë për aksionet e Top Channel, ndoshta një lojë e hile për të kapërcyer ngërçin e gjyqit, që ka ende në Gjykatën e Lartë.
Darka është një tjetër sinjal që shton dyshimet që Top Channel është vërtetë në shitje. U përfolën biznesmenë të mëdhenj disa muaj më parë për blerjen e aksioneve të këtij televizioni , ndërkohë shpesh ishte diskutuar shitja e Top Channel.

Së fundmi kemi një darkë të Ben Blushit me Endri Fugën krahun e djathtë të Edi Ramës, por dhe me Ilir Beqen dhe një biznesmen i cili është Klodian Allajbeu. Ky i fundit dy vite më parë u përfol se ishte duke blerë një televizion tjetër, jo të nivelit të Top Channel, por kjo nuk ndodhi.
Tani zërat sa vijnë dhe shtohen, Top Channel po shkon drejt shitjes.
Ndoshta shitja nuk është në atë tavolinë, ku është diskutuar në darkë midis Blushit dhe Endri Fugës, por ka të tjerë ofertues , ka të tjerë negociata të cilat kalojnë gjithmonë nga Qeveria.
Pra, mesa duket Ben Blushi detyrën e tij ka pasur të bëjë misionarin e Qeverisë dhe Edi Ramës tek Top Channel për shitjen e këtij televizioni dhe jo kalimin e tij në një media opozitare kundër Qeverisë.
Ben Blushi në fakt, misionin e tij mesa duket e ka të çojë një tjetër televizion në krah të kryeministrit Rama, për të mbyllur dhe më shumë zërat kritikë dhe anti- qeveritar në median shqiptare./CNA.al

Takimi Blushi-Fuga-Beqaj/ Zbulohet biznesmeni në tryezën e bisedimeve

Fotot ekskluzive – Plas skandali/Ben Blushi ?shitet? tek Rama, në pazar me Endri Fugën?!

Takimi Ben Blushi-Endri Fuga/ Zbulohet ish-ministri i Ramës në tavolinë





Lajmet e fundit nga