Fakte/ Shqipëria vitin e ardhshëm pa Gjykata

12 Korrik 2018, 13:12, Aktualitet CNA

Rivlerësimi i gjyqtarëve dhe prokurorëve po ?trondit? themelet e drejtësisë.

Një pjesë e madhe e tyre rezultojnë me të kaluar të errët, me pasuri përrallërore që nuk e justifikojnë dot apo dhe me shkelje të ligjit në marrjen e vendimeve.

Raportet e Komisionit të Pavarur të Kualifikimit, me skandalet e njerëzve të drejtësisë kanë shokuar mbarë opinionin publik.

Shkeljet më të mëdha duket se vijnë nga radhët e gjyqësorit.

Drejtuesi i ILKPKDKI-së, Shkëlqim Ganaj, në Komisionin Parlamentar të Ligjeve ka dhënë alarmin se Shqipëria, vitin që vjen mund të mbetet pas Gjykatë Apeli.

Kjo për shkak se tek pjesa më e madhe e gjyqtarëve të Apelit janë konstatuar probleme me pasurinë.

?Puna kryesore në 2017 ka qenë kontrolli njerëzve të drejtësisë. Jemi përballur me një ngarkesë shumë të madhe, për raportet për gjyqtarët dhe prokurorët që po kalojnë në vetting. Në 2017 janë plotësuar 7 mijë deklarata, janë vendosur 440 masa administrative, 300 zyrtarë me shkelje të ligjit. Nga 800 gjyqtarë dhe prokurorë, mbi 50% e tyre nga kontrolli pasuror janë me probleme?, ka thënë Ganaj.

Më herët, alarmi është vënë për mungesën e Gjykatës Kushtetuese, të cilën duket se s?do ta kemi as vitin që vjen.

Një fat i tillë e pret edhe Gjykatën e Lartë, duke pasur parasysh shkarkimet e deritanishme nga Komisioni i Pavarur i Kualifikimit.

Kështu, sipas të gjitha gjasave, viti 2019, do të jetë kaos për drejtësinë, pasi përveç të tjerash nuk do të ketë Gjykatë Apeli., shkruan CNA.al.

Në këto kushte, i bie që vitin e ardhshëm, Shqipëria do të jetë pa Gjykatë Kushtetuese, pa Gjykatë të Lartë dhe pa Gjykatë Apeli.

Edhe gjykata e shkallës së parë pritet të funksionojë e cunguar.

Në këtë mënyrë qytetarët, do ta kenë një kosto të shtuar kaosin në sistemin e drejtësisë dhe rastet tyre do të ?flenë? sirtareve të Gjykatave, ku kanë punuar gjyqtarë të korruptuar dhe të inkriminuar.

Qytetarët nuk do të kenë mundësi referimi të çështjeve as në Strasburg, sepse Strasburgu kërkon të jenë përmbyllur shkallët e gjykimit në sistemin e brendshëm të drejtësisë të shtetit përkatës./CNA.al