web counter
LEXO PA REKLAMA!

SHKARKO APP

App Store
Google Play

E fundit!

x

Audio përgjimi "Xhafaj –Babale"/ Opozita padit kryeministrin Rama

11 Korrik 2018, 12:27, Aktualitet CNA

PD dhe LSI kanë depozituar në Prokurorinë e Krimeve të Rënda një padi  ndaj kryeministrit Edi Rama.

Audio-përgjimi Xhafaj ?Babale, është rikthyer në skenë, me padinë e dorëzuar nga krerët e grupeve parlamentare të PD dhe LSI ?së Edmond Spaho dhe Petrit Vasili si dhe ish-ministrit teknik i drejtësisë Gazment Bardhi.

Sipas Opozitës, kryeministri Rama ka kryer vepër penale, pasi ka fshehur provat.

Duke iu referuar deklaratave të mëhershme të Ramës se ka bërë ekspertizën e audio-përgjimit  dhe ka zbuluar të vërtetën që sipas tij nuk ka lidhje me Agron Xhafajn, vëllanë e Ministrit të Brendshëm, Fatmir Xhafajn, Opozita i është drejtuar Krimeve të Rënda.

Sipas tyre Rama nuk ka dorëzuar asnjë dokument që të provojë përgjigjen nga laboratori që mund të ketë analizuar audiopërgjimin që implikon vëllanë e ministrit të Brendshëm, Agron Xhafaj.

?Në momentin që Edi Rama ka deklaruar se disponon një përgjigje të një analize shkencore ka detyrimin sipas nenit 301 e 304 të Kodit penal të vijë në këtë Prokurori ta dorëzojë. Faktin që nuk ka bërë do të thotë se ka kryer vepër penale?, zyrtari i PD ?së, Gazment Bardhi.

Sipas përfaqësuesve të opozitës, Vasilit, Spahos dhe Bardhit, në Shqipëri funksionojnë dy prokurori, kjo ku ata dorëzuan kallëzimin penal dhe prokuroria e Kreyministrit që ka nxjerrë rezultate, ka bërë ekspertizën dhe ka bërë hetime.

?Ne kërkojmë hetim penal ndaj kryeministrit Edi Rama, për fshehje të së vërtetës. Kryeministri manipuloi opinionin publik, duke thënë se disponon përgjigjen e laboratorit ëpr audiopërgjigjen, por deri më sot rezulton se nuk ka një dokument të tillë?, deklaroi Edmond Spaho në dalje nga Prokuroria./CNA.al





Lajmet e fundit nga