E fundit!

17:50 Politikë

“Rama trajton turizmin si real estate”/ Këlliçi: Po u fal tokat e fermerëve biznesit të 5D

Deputeti i PD-së Belind Këlliçi ka hedhur akuza ndaj kryem...

Akuzat e Emir Gjinishit për gylenistët e Shqipërisë/ Ja çfarë thotë kryeministri Rama

19 Qershor 2018, 18:39, Aktualitet CNA

Deklarata e kryeministrit Rama për ?Anadolu Agency?, se qeveria po ndjek me vëmendje institucionet arsimore të Gylenit, ngjall opinione të kundërta në Tiranë. Hajro Limaj, drejtues i Institutit të Politikave të Sigurisë Shqiptare, thotë se ky survejim është i panevojshëm, ndërsa Ermir Gjinishi, ish-nënkryetari i Komunitetit Mysliman, e vlerëson këtë organizatë si kërcënim për vendin.

Herë pas here, Shqipëria është përfshirë në një debat lidhur me prezencën e organizatës gyleniste.

Debati nxitet nga kërkesa e vazhdueshme e qeverisë turke ndaj Shqipërisë që të shkrijë institucionet e saj arsimore dhe të dëbojë individët e lidhur me klerikun Gylen.

Fusha me të cilën vepron lëvizja ?Gylen? në Shqipëri është arsimi, kolegjet dhe universitetet turke.

Vetë kryeministri Edi Rama, i pyetur nga agjencia turke ?Anadolu Agency?, konfirmoi vëmendjen e qeverisë shqiptare ndaj këtyre institucioneve. Për drejtorin e Institutit të Politikave të Sigurisë Shqiptare, Hajro Limaj, ky survejim i qeverisë ndaj këtyre institucioneve është i panevojshëm, pasi këto kolegje janë konform rregullave dhe ligjit të arsimit shqiptar.

?I vetmi investim që është bërë nga shteti dhe biznesi turk më i mirë në Shqipëri.

Për këto institucione arsimore nuk e bën Shqipëria vlerësimin, por e bën bota.

Këto shkolla nuk i ka hapur Gyleni me kokën e tij vetëm, por këto shkolla i ka hapur me mbështetjen e shtetit turk.

Ndaj duke e ditur që këta pasqyrojnë vlera të tilla dhe kanë influencë, edhe pse shkollat nuk merren fare me partitë politike, ai do t?i godasë se kanë lidhje me Gylenin.

Shkollat në Shqipëri janë hapur me mbështetjen e shtetit turk dhe të gjitha të miratuara në Këshillin e Ministrave të Shqipërisë me propozim të Ministrisë së Arsimit dhe kjo ministri i vlerësoi si shkollat më të mira?, deklaroi Hajro Limaj, i Institutit të Politikave të Sigurisë Shqiptare.

Në anën tjetër, Ermir Gjinishi, i njohur si një kritik i ashpër i lëvizjes gyleniste, shprehet se kontrolli që qeveria iu bën këtyre institucioneve është mëse i nevojshëm, pasi gylenistët sipas tij shfrytëzojnë vendet me demokraci të brishtë për të zhvilluar aktivitetin e tyre kriminal.

?Të tilla organizime paralele, të tilla struktura që përdorin hapësirat ligjore për të kapur shtetin për të inflirtuar shtetin.

Një shtet me defektet e njohura siç është Shqipëria me demokraci të brishtë, me institucione që nuk janë në nivelin e duhur, janë të thuash parajsa e këtyre lëvizjeve.

Prezenca gyleniste është e vërtetuar në Shqipëri dhe i takon shtetit dhe strukturave të shtetit t?i vërejnë, t?i mbikëqyrin dhe të shohin a janë a s?janë të vërteta shqetësimet e shtetit turk, se funksionojmë me ligjet e shtetit tonë?, tha Gjinishi.

Gjinishi shkon më tej kur thotë se kjo lëvizje, jo vetëm është prezente në vendin tonë në arsim, porse aktiviteti i saj ka marrë një shtrirje të gjerë edhe në jetën socio-ekonomike.

Për Gjinishin, prezenca e gylenistëve në Shqipëri përkthehet në cenim të sigurisë kombëtare.

?Një pjesë e madhe e këtyre njerëzve të Gylenit në Shqipëri kanë aktivitet të paligjshëm në Shqipëri.

Shumë shpejt do dalin fakte në llogaritë e këtyre njerëzve, shtetas turq, që kanë punuar në organizimet e Gylenit në Shqipëri, por jo vetëm shtetasit turq, mund të dalin të dhëna rrënqethëse siç janë transferime të shumave marramendëse dhe ky është objekt kërkimi dhe hulumtimi i Drejtorisë së Pastrimit të Parave dhe krimit të oganizuar. Eksponentë të Gylenit janë përfshirë në trafik ndërkombëtar droge në Shqipëri, madje dhe në atë që është bërë shumë zhurmë në Parlamentin shqiptar: trafikun nëpërmjet atyre avionëve të vegjël që quheshin mushkonja, do t?i gjeni shumë shpejt faktet.

Kemi të bëjmë me një aktivitet, i cili merret me pastrim parash, evazion fiskal dhe trafik ndërkombëtar droge dhe ky është problem shumë i madh?, tha Ermir Gjinishi.

Ndryshe nga Kosova, e cila ka zbatuar disa kërkesa të Turqisë për ekstradimin e gylenistëve, qeveria shqiptare është treguar e matur.

Megjithatë, Turqia vazhdon të nxisë Shqipërinë dhe vendet e tjera të rajonit, si Kosova, Bosnja dhe Maqedonia, që të veprojnë ndaj gylenistëve.(TemA TV-Tituli është i CNA.al)