E fundit!

16:18 Politikë

"Paketa e Maleve është e kundërta e asaj që thuhet"/ Rama takim me banorët e Thethit

Kryeministri Edi Rama po zhvillon ditën e sotme një bashkë...

Kryemadhi braktis Bashën/ “Shijon” përleshjen e deputetëve demokratë

19 Qershor 2018, 17:30, Aktualitet CNA

Prej muajsh Teatri Kombëtar është kthyer në qendër të vëmendjes. Jo për shkak të frekuentimit, por për shkak të debatit që ka shkaktuar ndërtimi i godinës.

Artistët janë ndarë në dy pjesë, ku një grup është rreshtuar në krah të Kryebashkiakut të Tiranës, Erion Veliaj për ndërtimin e një godine të re, ndërsa grupi tjetër në mënyrë kategorike kundërshton prishjen e godinës ekzistuese.

Madje artistët kundërshtues kanë paralajmëruar se do të ngujohen në godinën e Teatrit Kombëtar, për të mos lejuar shembjen e tij.

Por, nga dita në ditë situata sa vjen dhe nxehet dhe debati përshkallëzohet. Ditët e fundit kryebashkiaku Erion Veliaj ka zhvilluar takime të hapura me artistët, urbanistët dhe arkitektët. Takimet janë karakterizuar nga tone të larta, akuza e kundërakuza.

Në këtë debat, është përfshirë vrullshëm edhe Partia Demokratike, e cila kundërshton prishjen e godinës ekzistuese të Teatrit Kombëtar.

Madje, ditën e sotme, përfaqësues të PD kanë arritur deri aty sa janë konfrontuar fizikisht me kryebashkiakun Veliaj, por edhe me gardën, e cila mundohej të ruante qetësinë.

Në gjithë këtë kaos, ku nuk mbeti askush pa reaguar që nga politika, artistët dhe shoqëria civile, vetëm kryetarja e LSI ?së Monika Kryemadhi nuk është dëgjuar.

Në fakt Kryemadhi ka bërë shurdh-memecen edhe më herët, se nuk mund të shkëputet dot nga tepsia. Është tejet e vështirë për Kryemadhin të ndahet nga tepsia e pushtetit dhe të sulmojë Erion Veliajn.

Për të mos i hyrë në hak, e vetmja herë kur Kryemadhi ka folur pët Teatrin ka qenë data 9 prill 2018, kur ajo pati një takim me aktorët. Por edhe në atë rast, Kryemadhi sulmoi kryeministrin Edi Rama, duke e lënë mënjanë ?lali Erin?.

Madje kur vjen puna tek Veliaj, sikur edhe Tirana të rotullohej në 360 gradë, Kryemadhi nuk do fliste. Kullat dhe pushteti, sigurisht që janë më të rëndësishme. Me ?dorën rreth së qafës së Lulit?, dhe me sytë e zemrën tek ?lali Eri?, Monika krihet dhe krekoset, ndërsa Tirana ndizet zjarr nga debati për Teatrin Kombëtar./CNA.al