Kryegjyqtarja e lidhur me politikën/ Enkeledi Hajro e Gjykatës së dështuar, zhytur në kredi

5 Maj 2018, 11:20, Aktualitet CNA

Gjykata Administrative, e cila thuajse ka dështuar në misionin e saj, është institucioni i drejtësisë më i ankimuar nga qytetarët.

Konfliktet mes shtetit dhe biznesit, kanë çuar në paralizimin e Gjykatës Administrative, për shkak të zvarritjes së çështjeve.

Zvarritja nuk ka ardhur vetëm nga numri i lartë dosjeve, apo mungesa e gjyqtarëve, por edhe përdorimi i standarteve të dyfishta nga gjyqtarët.

Nisur nga ankesat e shumta të qytetarëve, duket se Gjykatat Administrative, po bëjnë të kundërtën e asaj për të cilën janë krijuar.

Më herët Këshilli i Investimeve, lëshoi alarmin se shqyrtimi i një dosje,e cila parashikohet të kryhet kryesisht për dy muaj, zvaritet deri në gjashtë muaj.

Për më tepër ka edhe nga ato raste kur shqyrtimi arrin edhe me një vit.

Por vonesat në gjykim nuk janë problemi i vetëm me të cilin përballen bizneset në Gjykatat Administrative. Raporti i Këshillit të Investimeve, thekson se e vënë nën presion nga numri i lartë i çështjeve, për të kapur afatet ligjore, shpesh gjykata merr vendime me një cilësi të dyshimtë.

Zvarritja e konflikteve mes biznesti dhe shtetit, nuk janë i vetmi problem që rëndojnë mbi Gjykatën Adminitrative.

Pak kohë më parë u zbulua skandali i fshehjes së dosjeve në Gjykatën e Tiranës, pas spostimit të dosjeve nga arkiva gjykatës për në arkivën shtetërore në Lundër.

Në lidhje me këtë skandal, Kryetarja e Gjykatës së Tiranës, Enkeledi Hajro, ka thënë për mediat, se bëhej fjalë për 299 dosje civile dhe 1 penale të cilat dhe pse duhet të ishin dërguar për rekurs në Gjykatën e Lartë janë mbajtur të fshehura.

Pas publikimit të lajmit është shkarkuar nga detyra kryesekretarja e Gjykatës si dhe një sekretare e sektorit.

Kujtojmë se kryegjyqtarja Enkeledi Hajro, vjen pasi ka marrë një eksperiencë në sektorin e politikës.

Ajo më herët ka qenë shefe e kabinetit të dy ministrave të qeverisë ?Berisha?.

Ajo ka punuar si shefe e kabinetit të ministrit të Drejtësisë, Eduard Halimi, dhe ministrit të Brendshëm, Flamur Noka.

CNA.al po sjell pasurinë e Hajros të deklaruar pranë ILDKPKI ?së, për vitin 2016.

Hajro rezulton se ka dy kredi për të shlyer pasi ka blerë një apartament banimi, ndërsa të ardhurat i ka nga paga e saj dhe nga paga e bashkëshortit si noter.

Pasuria e deklaruar më 27.03.2017

Të ardhura nga paga si gjyqtare në shumën 1 206 956 lekë.

Të ardhura nga veprimtaria noteriale e bashkëshortit në shumën 808 477 lekë.

Shlyerja e kredisë për blerjen e apartamanetit të banimit. Në kredinë 3 600 000, me 31.12.2016 ka mbetur pa u shkyer 3 124 999 02 lekë.

Në kredinë 5 000 000 , me 31.12.2016 ka mbetur pa u shlyer 4 522 244 lekë.

Karta e debitit me 31.12.2016 është mbyllur me -17 981.97 e overdraftit të përdorur. Limiti i overdraftit është 170 000 lekë.