E fundit!

10:01 Kronika

Armë, kokainë dhe kanabis në zonat bregdetare/ Arrestohen dy persona

Policia e Vlorës ka finalizuar operacionin e koduar “Sigur...

Dorëzimi i mandatit nga Tahiri/ Zbulohet “loja” e Ramës

5 Maj 2018, 11:28, Aktualitet CNA

Deputeti i Partisë Demokratike, Enkelejd Alibeaj në një deklaratë për mediat ka komentuar sërish sot dorëzimin e mandatit të deputetit nga ish-ministri i Brendshëm, Saimir Tahiri.

Ndër të tjera, Alibeaj ka theksuar se dorëheqja e Tahirit në këto memente nuk ka vlerë, sipas tij Rama po lan duart si Ponc Pilati, për t’ju hedhur hi syve ndërkombëtarëve.

Gjithashtu, Alibeaj ka hedhur akuza të forta në drejtim të kryeministrit Rama si dhe ministrit të Brendshëm, Fatmir Xhafaj.

Po ashtu Alibeaj tha se Rama nuk e dorëzoi 6 muaj më parë me justifikimin se nuk ka prova, ndërsa në këto gjashtë muaj ka shkatërruar çdo provë.

Deputeti demokrat ka ironizuar Ramën dhe Xhafaj, ndërsa tha se ?ministri i Brendshëm Agron Xhafaj dhe kryeministri Olsi Rama nuk pranojnë që t?ju bëhet Vettingu. Shqipëria po qeveriset nga një bandë mafioze?.

Deklarata e plotë:

Dy ditë pasi Tahiri, me marrëveshje me Ramën hoqi dorë nga nga mandati i deputetit ai vazhdon të jetë i lirë.

Pak orë pas këtij episodi të serialit kriminal qe Rama, gjatë gjithë qeverisjes së tij po luan më Shqipërinë, shqiptarët dhe ndërkombëtarët, nuk është aspak i gëzuar për suksesin e mashtrimit dhe hirit në sy që kërkon t?i hedhë botës mbarë.

Si Ponc Pilati kërkoi që tashmë të hiqte nga kurrizi barrën e rëndë të njollës së zezë që i ka vënë vendit dhe të ardhmes së tij.

E në fakt ka 6 muaj që ethet e kanë zënë. Ka 6 muaj që, tamam në një mërrëdhnënie mes mafiozësh, kur ai lëshon ST dhe ST kërcënon ER se do ta tërheqë zvarrë atë ne ferr nëse e lëshon, bërin gjithcka për të shpëtuar lëkurën e vet.

Nuk ia dorëzoi drejtësisë, 6 muaj më parë, duke iu bërë barrikadë me imunitetin.

Në këto 6 muaj, Edi Rama shkatërroi reformën e drejtësisë, duke e rrëmbyer si një kriminel i vërtetë, Prokurorin e Pergjithshëm dhe duke e vendosur nën këmbë Drejtësinë.

Në këto 6 muaj, nuk ia dorëzoi drejtësisë Saimir Tahirin, më justifikimin se nuk kishte prova dhe ndërkohë shkatërroi çdo provë që do të inkriminonte ministrin e tij të preferuar dhe atë vet.

E në fakt si Ponc Pilati, nuk lan dot duart nga këto 4 vjet të kanabizimit të Shqipërisë, të kthimit të saj në Far West-in kriminalitetit shqiptar sado të përpiqet që me skenarë filmash të mashtrojë shqiptarët dhe mbarë botën.

E ndërsa teatri mes regjisor ER dhe aktor ST vazhdon të shfaqet në media, ministri i Brendshëm aktual, Agron Xhafaj po vë në zbatim një plan po kaq kriminal sa kanabizimi i Shqipërisë.

Ministri gënjen duke bërë fushata nëpër rrethe duke lajmëruar nxjerrjen e Shqipërisë nga harta e drogës, por nuk sheh dhe dëgjon lajmet për tonelatat e drogës Made in Albania në brigjet italiane apo greke.

Agron Xhafaj thote se suksesi i qeverisë është lufta e policisë kundër kanabisit, por çdo shqiptar e di se në Shqipëri nuk pati asnjë operacion për ndalimin e kultivimit të kanabisit.

Pati vetem urdher te kryeministrit për krimin e organizuar që te ndalojnë mbjelljen, i njëjtë me vullnetin që i lejoi ta shndërrijnë Shqipërinë në Kanabistan!

Ministri i Brendshëm Agron Xhafaj, me propagandë komuniste, bërtet e përbetohet se bandave të krimit u ka hyrë tmerri, por nga ana tjetër mafiozët e lidhur me politikën mbretërojnë madje shfaqen me kostumin e politikanit apo kryebashkiakut në krah të tij.

Vettingu në polici nuk e zgjidh problemin, sepse, siç thotë fjala e urtë ?peshku qelbet nga koka? dhe kokat e medha të qeverisë janë në dijeni te trafikut të drogës të bërë nga familjaret e tyre.

Vettingu në polici do të jetë i paplotë përsa kohë ministri i Brendshëm, Agron Xhafaj dhe kryeminsitri Olsi Rama refuzojnë të bëjnë vettingun e tyre.

Vettingu është një show, njësoj si dorëheqja e Saimir Tahirit për t?i hedhur hi syve shqiptarëve dhe partnerëve ndërkombëtare. Por ajo që mbetet përtej fasadës është se Shqipëria qeveriset nga një bandë që kontrollon drejtësinë dhe çdo pushtet tjetër, nga një kryeminister, lidhjet e të cilit me krimin janë pengesë për Shqipërinë europiane.