web counter
LEXO PA REKLAMA!

SHKARKO APP

App Store
Google Play

E fundit!

x

Çollaku paralajmëron Veliajn/ Do të padisim vendimet, ja çfarë fshihet pas vendimit për parkun “Rinia”

27 Prill 2018, 13:27, Aktualitet CNA

Kreu i këshilltarëve të Partisë Demokratike në Këshillin Bashkiak të Tiranës, Kreshnik Çollaku, thotë se do të padisin vendimet e marra dje gjatë mbledhjes, pasi sipas tyre 6 vota janë nul.

I ftuar në studion e ?News24?, Çollaku tha se prania në sallën e Këshillit Bashkiak, e 6 individëve me mandate të bëra nul nga Gjykata e Tiranës, është shkaku për të cilin ata braktisën mbledhjen.

?Mbajmë një marrëdhënie të kushtëzuar me Këshillin Bashkiak të Tiranës. 6 individë në sallë janë me mandate të bëra nul nga Gjykata e Tiranës. Prania e këtyre individëve hedh në erë legjitimitetin e këtij këshilli?, u shpreh Çollaku.

Ai tha se me këto 6 mandate nul, janë votuar vendime që prekin interesat e qytetarëve të Tiranës.

?Gjashtë mandate të PS në këshillin bashkiak janë nul. Kujtojmë se gjykata e Tiranës bëri nul 6 mandatet. Por ata i duan aty për të votuar ato vendime që bien në kurriz të qytetarëve. Është votuar pa të drejtë rritja e çmimit të ujit. Ne do të padisim vendimet, bazuar në 6 votat nul. Rritja e çmimit të ujit është e paligjshme, dhe qytetarët kanë të drejtë që të kërkojnë paratë që u janë marrë pa të drejtë. Vendimet e djeshme janë miratuar në mënyrë flagrantë të thyerjes së rregullores, të shkeljes së ligjit?, u shpreh Çollaku.

Duke iu referuar vendimit për të kaluar parkun ?Rinia? në pronësi të Agjencisë së Parqeve dhe Rekreacionit, ai tha se pas këtij vendimi ?fshihet një projekt i madh biznesi?.





Lajmet e fundit nga