Si i fitoi Safet Gjici 250 tendera/ Zbulohet skema e mashtrimit

25 Prill 2018, 09:24, Politikë CNA

Deputeti i Partisë Demokratike Ervin Salianji në një deklaratë për shtyp paraditen e sotme ka vijuar me publikimin e fakteve të reja për atë që e quan skemë korruptive dhe fiktive të vjedhjes me anë të tenderave, nga socialisti Safet Gjici, Presidenti i Kukësit.

Salianji ka zbardhur sot skemën sipas të cilës Gjici ka arritur të përfitojë plot 250 tendera me anë të dy kompanive Shoqëria Eurogjici Security shpk dhe ?Toni Security shpk?. E para në emër të vëllait të Gjicit dhe e dyta në emqër të djalit të tij. Këto dy kompani sipas demokratit, hynin të dyja në garë dhe njera prej tyre shpallej gjithnjë fituese.

Deklaratë e deputetit të Partisë Demokratike, Ervin Salianji:

Safet Gjici nuk dha dje asnjë përgjigje përse ka kryer veprën penale të mashtrimit me tenderat publike, por kërcënoi me drejtësinë e re të Edi Ramës, i cili e ka bërë supermilioner me paratë e shqiptarëve.

Dokumentat e paraqitura nga Partia Demokratike tregojnë qartë se tenderat janë fiktive, se në tender merr pjesë vetëm Gjici, me dy kompanitë e tij kundër njëra- tjetrës dhe fiton njëra prej tyre, pra fiton Gjici.

Dy kompanitë, me të cilat drejtuesi politik i Ramës në Kukës thotë se nuk ka lidhje, quhen:

Këto dy kompani, që ?konkurojnë? fiktivisht kundër njëra-tjetrës, kanë të njëjtën adresë fizike, të njëjtën adresë e-mail-i. Nga ekstraktet historike vërtetohet se, të dyja shoqëritë zotërohen nga i njëjti person (Gjici), pasi:

25.2 milion dollarët e përfituar nga Gjici nëpërmjet dy kompanive të tij, i janë dhënë duke prishur garën në tendera, duke falsifikuar dokumenta zyrtarë dhe duke i shkaktuar shtetit dëme me miliona Euro. Shkeljet janë të faktuara nga dokumentat e publikuara nga ne, dhe prokuroria duhet të nisë menjëherë hetimin për të çuar para përgjegjësisë penale abuzuesit e miliona Eurove.

Edi Rama që po zhvat qytetarët kuksianë për të kaluar ?Rrugën e Kombit? dhe nuk ka ndërmend t?i lërë ata të kalojnë falas në rrugën e ndërtuar edhe me taksat e tyre, i tall kuksianët me premtime për abone, ndërsa kuksianit Gjici, me të cilin blen vota për të ruajtur pushtetin, i jep 25.2 milionë dollarë.

Skema e përdorur nga Gjici në mashtrim të plotë të ligjit, përbën vepër penale për të cilën prokuroria duhet të nisë hetim të plotë.

Krijimi i kompanive fiktive, prishja e barazisë në tendera, falsifikiki i garës si mbulesë që Gjici të konkurojë me veten e të përfitojë miliona dollar, janë shkelje që meritojne hetim te plote per Gjicin dhe pronarin e tij Rama.