Rrugëtimi i Shqipërisë drejt BE-së/ Harxhi: Ja vendet kritike që duan hapa konkretë

21 Prill 2018, 17:33, Politikë CNA

Ish-zëvendësministrja e Jashtme Edith Harxhi ka folur për marrjen e rekomandimit pozitiv nga Komisioni Europian si dhe rrugën e Shqipërisë deri në hapjen e negociatave për anëtarësim në BE.

E ftuar në emisionin ?Kjo javë? të gazetares Nisida Tufa në News24, ajo tha se është një rrugë e vështirë dhe se kushtet për pranim nuk janë njësoj si në fillim të krijimit të BE-së, duke marrë si shembull Rumaninë. Harxhi përmendi disa vende kritike ndaj Shqipërisë dhe shtetit në lidhje me krimin e organizuar, trafikun etj.

?Rekomandimi që ka ardhur nga KE, pavarësisht se është i treti, i vetmi ndryshim është që nuk ka kufizime është një rekomandim që i hap rrugën, i krijon Shqipërisë mundësi më të mirë që të bindë anëtarët e BE-së se është e denjë për hapjen e negociatave dhe se është e denjë për të ecur përkrah. Rumania në momentin e hyrjes së saj ka pasur shumë probleme për luftën ndaj krimit të organizuar por ata hynë në një moment kritik, kur zgjerimi nuk ishte tabu dhe në këtë rast Shqipëria nuk mund të matet për sa i përket krimit dhe korrupsionit me Rumaninë e asaj kohe. Ka ndryshuar masa.
Elementi tjetër sa e përshtatshme është Shqipëria në një treg të përbashkët europian. Këtu kemi probleme me taksat e ngritura, kur shumë vende të BE-së kanë bërë TVSH-në e ushqimeve zero. Shqipëria nuk prodhon asgjë, përveç turizmit të dobët dhe një bujqësie që e prodhonte dhe nuk e prodhon më. Të gjitha këto parametra do të shihen. Si pikë e parë është një mbledhje e Parlamentit Europian, do marrë raportin dhe do e hedhë në votim nëse Shqipëria e meriton apo jo. Mendoj se vota e PE do jetë pro zgjerimit. Mund të mbyllin sytë edhe eurodeputetët për problemet që ka Shqipëria.
Do jetë samitit i krerëve të shteteve të Ballkanit Perëndimor dhe të BE-së?, deklaroi Harxhi.

Ajo tha se Gjermania, Holanda por edhe Britania e Madhe, e cila voton edhe këtë vit pavarësisht Brexit kërkojnë hapa konkretë.
?Gjermanët kërkojnë hapa konkretë për luftën kundër korrupsionin, trafikut të drogës. Të njëjtën gjë kërkon edhe Holanda, por edhe Britania e Madhe, pavarësisht se nuk është folur. Por Britania e Madhe voton edhe këtë vit. Anglezët janë skeptikë edhe më shumë për raportet e Brukselit. Anglezët janë kritikë sa kam dijeni unë për shtetin shqiptar. Është Sllovenia sepse është shprehur që nuk do të jetë e lehtë rruga e Shqipërisë për hapjen e negociatave në qershor. Ai që i ka vënë vulën pastaj është Macron. Unë mendoj që do ketë hapje negociatash?, u shpreh Harxhi.