E fundit!

22:46 Aktualitet

Pas ndeshjes, protestuesit zhvendosen te selia e PD-së: Opozitë e shitur

Pas ndeshjes, protestuesit janë zhvendosur para selisë së ...

Klosi: Penalitete të ashpra për ndotësit e lumenjve dhe deteve

23 Prill 2018, 12:16, Sociale CNA

Penalitete të ashpra për ndotësit e lumenjve dhe deteve. Pas përfundimit të Javës së Tokës ku janë angazhuar më shumë se 20 mijë vetë dhe të gjitha institucionet shtetërore, toleranca për ndotësit do të jetë zero. Ky është mesazhi i Ministrit Klosi nga plazhi i Semanit ku ndoqi nga afër pastrimin dhe fillimin e përgatitjeve për sezonin e ri turistik në bashkinë e Fierit.

Minsitri Klosi tha se aksioni për pastrimin e plazheve do të vazhdojë gjatë gjithë sezonit turistik . I pranishëm në pastrimin e plazhit të Semanit, përfaqësuesi i UNDP-së në Tiranë, Z. Brian Ëilliams i cili theksoi se arritja e objektivave të mbrojtjes së qëndrueshme të mjedisit do të sjellë një turizëm të qëndrueshëm.

Kryetari i Bashkisë, Armando Subashi theksoi se përvec pastrimit të plazhit, bashkia do të kontrollojë edhe subjektet që ushtrojnë aktivitet gjatë sezonit turistik në mënyrë që ato të respektojnë rregullat dhe të mos bëhen burim i ndotjes së plazhit.

Fjala e plotë ministri Klosi

Bashkia e Fierit, një bashki e transformuar tashmë jo vetëm në qendër të saj po mendon gjerësisht që sezoni turistik të mirëpresë një numër rekord turistësh edhe në bregdetin Semanit dhe Darëzezës .

Jemi këtu së bashku me kryetarin e bashkisë për të parë nga afër jo vetëm pastrimin e plazhit por edhe realizimin e kushteve të tjera, që kanë të bëjnë me sigurinë në plazhet tona, me pastrimin dhe depurimin e ujërave të zeza të lokaleve dhe të bareve të cilat janë pranë zonave bregdetare dhe po ashtu në një operacion shumë më të fortë dhe këtu pa dyshim kemi nevojë për një mbështetje shumë më të madhe nga qytetarët nga biznesi lokal nga forcat e armatosura, duhet të pastrojmë edhe grykëderdhjen e lumit e cila vazhdon të jetë një landfill i hapur të cilin nuk mund ta tolerojmë.

Me kryetarin e bashkisë kemi ndjekur nga afër edhe pastrimin e gjithë lumit që kalon në qytetin e Fierit pasi për ne pastrimi duhet të ndodhë në cdo cep dhe në cdo sektor. Vazhdojmë të jemi besimplotë që me kaq shumë mbështetje dhe pjesëmarrje kaq të madhe të të rinjve ne realisht jo vetëm do të pastrojmë por edhe do të edukojmë më shumë të rinjtë për të marrë pjesë në gjithë këtë fushatë kunër ndotjeve dhe papastërtive.