web counter
LEXO PA REKLAMA!

SHKARKO APP

App Store
Google Play

E fundit!

x

Ministri Klosi: I pamundur zhvillimi i turizmit pa një mjedis të pastër

17 Prill 2018, 10:21, Sociale CNA

Pas datës 22 prill shteti do të funksionojë krejt ndryshe përsa i përket mbrojtjes së Mjedisit, deklaroi ministri Klosi gjatë aksionit të pastrimit në plazhin e Divjakës.

Kreu i turizmit dhe Mjedisit tha se në këtë prag sezoni turistik kërkesa është për shumë më tepër kapacitete turistike, por kjo nuk mjafton pasi është i pamundur zhvillimi i një Shqipërie turistike kur ajo nuk është e pastër. Është bërë një ndarje e sipërfaqes me të gjithë prefektët për të pastruar në zonat bregdetare dhe pranë lumenjve

Kryetari i bashkisë së Divjakës, Fredi Kokoneshi shprehu besimin se ky vit do të jetë një sezon shumë i mirë dhe  garantoi pushuesit se këtë sezon turistik plazhi do të jetë i pastër dhe i  kuruar në të gjitha aspektet. Ndërsa prefekti i qarkut të Fierit, Baki Bala tha se aksioni është shtrirë në 18 pika të evidentuara në të gjithë qarkun ku puna do të vijojë gjatë gjithë Javës së Tokës.

1 mjë nxënës, studentë, forca të armatosura, punonjës të bashkisë dhe agjencive të zonave të mbrojtura u angazhuan në pastrimin e plazhit të Divjakës.

Fjala e ministrit Klosi

Gjatë gjithë kësaj jave deri në datën 22 të gjitha institucionet shtetërore në bashkëpunim të ngushtë me pushtetin lokal dhe me ndihmesën e madhe të shkollave të arsimit profesional dhe gjimnaze të të gjithë Shqipërisë do të bëjmë të mundur që të bëjmë një aksion të parë për të pastruar Shqipërinë në kuadër të sezonit të ri turistik.

Kemi bërë një ndarje me prefektët e të gjitha zonave të lumenjve dhe bregdetit, për të pasur mundësinë e një ndërhyrjeje të parë, gjigande, si asnjëherë të tjetër, të strukturuar dhe të monitoruar në një mënyrë super të kontrolluar dhe në çdo segment të sipërfaqes për të pasur mundësi që të japim një energji shumë pozitive. Ajo çfarë ne ndiejmë, edhe në këtë prag sezoni turistik është kërkesa gjithmonë e në vazhdim për shumë më tepër kapacitete turistike, por kjo nuk mjafton. Duhet të kemi edhe një Shqipëri të pastër. Është i pamundur zhvillimi i një Shqipërie turistike në qoftë se nuk kemi një Shqipëri të pastër.

Në këtë plazh janë 1 mijë nxënës studentë, forca të ushtrisë, përfaësues të agjencisë së zonave të mbrojtura, gjithë sistemi i bashkisë Divjakë dhe po ashtu ndihmesa të tjera për të siguruar këtë aksion kaq të madh. Jemi besimplotë se gjatë gjithë javës në Shqipëri do të ketë këtë operacion për të konkluduar në datën 22 prill e cila është edhe Dita e Tokës që për ne është edhe një ditë shumë e shënuar pasi që nga ai moment i gjithë shteti do të funksionojë krejtësisht ndryshe përsa i përket mbrojtjes së Mjedisit./CNA.al

 





Lajmet e fundit nga