E fundit!

12:16 Aktualitet

SPAK kërkon 98 vite burg për Durim Bamin, Aldo Avdylin dhe 5 të tjerë

Prokuroria e Posaçme ka dhënë pretencën për disa nga të pa...

PS ndez motorët për zgjedhjet/ Zbardhet ultimatumi i Edi Ramës

11 Prill 2018, 09:08, Aktualitet CNA

Duket se në Partinë Socialiste janë ?ndezur? motorët për zgjedhjet e 2019-ës, ndërsa mësohet se kryeministri Rama ka vendosur që t?ia besojë bazës emrat e kandidatëve, të cilët do të garojnë në zgjedhjet vendore të 2019.

Ditët e fundit në të gjitha qarqet e vendit, ka pasur takime intensive mes deputetëve dhe bazës socialiste, ku janë udhëzuar degët e kësaj partie që duhet të ndezin motorët për zgjedhjet vendore.

Po ashtu janë dhënë edhe një sërë porosish të tjera, siç janë reforma në administratë, shkarkimi i militantëve të LSI, si dhe rritja e anëtarësisë.- raporton gazeta Sot.

Gjithashtu gazeta shkruan se kryeministri duket se mënjanon rolin e deputetëve, duke i dhënë më shumë akses dhe vendimmarrje bazës socialiste. Bëhet fjalë për një raport, të cilin kryeministri Rama ka vendosur që t?ia besojë vartëseve të tij në nivel lokal. Më konkretisht, kreu i ekzekutivit ka kërkuar nga baza socialiste që të përpilojnë një raport ?konfidencial?, të cilin duhet t?ia dorëzojnë personalisht atij.

Rama ka kërkuar nga baza që të shkruajnë me detaje për çdo gjë që ka të bëjë me punën aktuale të kryebashkiakëve dhe administratorëve socialiste, madje edhe vërejtjet që ata kanë kundrejt të zgjedhurve të Partisë Socialiste. Po ashtu, përmes këtij raporti i pari i qeverisë kërkon nga baza që të jetë kjo e fundit, ajo e cila duhet të bëjë përzgjedhjen e kandidatëve që do të garojnë në zgjedhjet vendore të 2019.

Pra Rama kërkon nga baza që të nisin ?gjuetinë? për të gjetur dhe përzgjedhur emrat më të mirë dhe më me integritet që mund të nominohen për të garuar në zgjedhjet vendore, duke anashkaluar në këtë mënyrë rolin e deputetëve, sa i takon përzgjedhjes apo sugjerimeve për emrat e rinj të kryebashkiakëve.

Një tjetër çështje që kryeministri Edi Rama ka kërkuar që të zbatohet nga deputetë dhe baza socialiste ka të bëjë me reformën në administratë.

Kreu i qeverisë ka kërkuar që të gjithë militantët e Lëvizjes Socialsite për Integrim duhet të largohen nga puna, duke i hapur rrugë punësimit të socialistëve.