web counter
LEXO PA REKLAMA!

SHKARKO APP

App Store
Google Play

Basha “tradhëton” mosbindjen civile

11 Prill 2018, 12:07, Aktualitet CNA

Kreu i PD, Lulzim Basha, pas një takimi që ka zhvilluar rreth mesditës së sotme në selinë blu me kryetaren e LSI, Monika Kryemadhi ka vendosur që deputetët e PD të jenë të pranishëm nesër në seancën parlamentare, duke tradhëtuar kështu mosbindjen civile, të shpallur publikisht nga vetë ai.

Që shqiptarët dhe demokratët të mos e harrojnë, jo më larg se 10 ditë më parë, Basha bëri thirrje për mosbindjen civile, dhe mosbindje civile do të thotë bojkot i institucioneve, braktisje totale e tyre, të mos paguash taksat dhe deputetët të bojkotonin parlamentin, apo deri në dorëzimin e mandateve.

Basha jo vetëm që nuk e bëri këtë, por përkundrazi ka marrë vendimin që nesër të kthehet në parlament.

Në të kundërt të asaj çfarë ka thënë më parë Lulzim Basha që mosbindja civile do të përfshijë të gjithë Shqipërinë dhe do të mbështetet nga shumë qytetarë, Basha vetë e tradhëton. Kthehet në parlament dhe si shumë herë të tjera gënjen dhe mashtron publikisht.

Pra mosbindja civile, nuk është vetëm një veprim, nuk është vetëm bllokimi i rrugëve, por edhe ato që ne përmendem më lart. Ai jo vetëm që nuk po i bën këto, por për më tepër po shkon edhe në parlament./ CNA.al





Lajmet e fundit nga