web counter
LEXO PA REKLAMA!

SHKARKO APP

App Store
Google Play

Basha tërhiqet në panik/ PD Kuvend zgjedhor vetëm për Statutin

10 Prill 2018, 18:16, Aktualitet CNA

Lulzim Basha tërhiqet nga hapi i tij “i çmendur” për të zhvilluar një Kuvend Zgjedhor në PD dhe ka vendosur që të “tradhtojë” sekretarët e tij, duke thirrur së afërmi një Kuvend Statutor, dhe atë zgjedhorë do ta zhvillojë pasi të zhvillojë zgjedhjet në degë.

Kuvendi i PD-së dhe sekretarët

Lulzim Basha ka lëvizur nga qëndrimi i tij për të zhvilluar zgjedhjet në strukturat e PD-së në Kuvendin e vjetër Kombëtar. Një aventurë e pranuar prej tij dhe e propozuar prej sekretarëve Arben Ristani, Enno Bozdo dhe Fatbardh Kadilli, të cilët kërkonin të kapnin postet e tyre dhe më pas të zhvillonin zgjedhjet në bazë.

Lulzim Basha ka ndryshuar qëndrim, ai nëpërmjet Arben Ristanit ka njoftuar se, “Në prag të Kuvendit, PD do të mbledhë këtë javë Kryesinë e me pas Këshillin Kombëtar, forume që do të miratojnë Statutin e ri të partisë. Ndryshimi me i rëndësishëm ka te beje me përzgjedhjen e kandidateve për bashkitë dhe parlamentin.

Rendi i ditës se Kuvendit do te vendoset nga Këshilli por pritet që ky të jetë një kuvend që miraton vetëm ndryshimet në statut ndërsa Kuvendi Zgjedhor do të bëhet pasi të përfundojë procesi i zgjedhjeve në degë.”

Ky ka qenë qëndrimi që ka mbajtur Arben Ristani sot për Vizion Plus. Nga deklarimi i disa javëve më parë, për një Kuvend të ri Kombëtar, që do të zgjidhte Këshillin e ri Kombëtar, është bërë një hap pas duke njoftuar në Kuvend Kombëtar vetëm për ndryshimet në statut. Pra, Basha është tërhequr nga akti i tij final i përçarjes, por dhe ky Kuvend që kërkon të ndryshojë Statutin për t’ia pasuar atij tjetrit, më shumë duket të jetë një lëvizje e Bashës në panik, sesa një aksion konkret për Bashkimin e Partisë Demokratike. /CNA.al





Lajmet e fundit nga