Posta në prag të falimentimit

10 Prill 2018, 16:05, Aktualitet CNA

Kriza financiare që ka përfshirë Postën ka bërë që kjo ndërmarrje të mos mundë t?i ekzekutojë pagat për të gjithë punëtorët edhe këtë muaj. Menaxhmenti i kësaj ndërmarrjeje po i kërkon me ?ngulm? aksionarit të saj Qeverisë të organizojë takime intensive me institucionet përgjegjëse për ta tejkaluar gjendjen e rëndë, shkruan sot gazeta?Zeri”.

Zyrtarët për informim në Postën e Kosovës kanë thënë se njëri ndër faktorët kryesorë që e ka vënë Postën në këtë pozitë është mosmbulimi i Shërbimit Universal Postar me vite.

?Posta e Kosovës ka ngritje të të hyrave dhe zvogëlim të shpenzimeve çdo vit, këtë mund ta verifikoni edhe në raportet e Auditorit të Jashtëm, të cilat janë publike. Faktori kryesor që ka vënë Ndërmarrjen tonë në këtë pozitë është mosmbulimi i Shërbimit Universal Postar me vite, pavarësisht faktit që kjo kërkesë ka kaluar edhe nëpër procedura ligjore te përmbaruesi dhe procedura gjyqësore, e cila nuk po ekzekutohet nga MZHE-ja. Vlera e këtij kontesti gjyqësor është në dobi të PK-SHA, sepse me këtë vendim aksionari është i obliguar që t?i paguajë Postës për këtë shërbim që Posta ofron me humbje në vlerën 3.504.341.89 ?, duke përfshirë në këtë vlerë kamatën dhe shpenzimet e tjera deri në datën kur janë nxjerrë vendimet?, thuhet në përgjigjen me shkrim të Postës.

Arsim Mehmeti, zëdhënës për informim në këtë ndërmarrje, ka sqaruar se humbjet e lartcekura janë vetëm për periudhën 30 qershor 2016, ndërsa për pjesën tjetër, e cila ende nuk ka kaluar përmes procedurave përmbaruese, por në bazë të kalkulimeve fillestare që ka bërë Posta aksionari ka obligim për këtë shërbim.

?Aksionari ka obligim për këtë shërbim edhe vlerën prej 1.5 milion eurove, për këtë çështje janë dërguar edhe faturat në formën ligjore te MZHE-ja. Duke marrë për bazë të gjitha këto fakte, konstatojmë që gjendja e vështirë financiare në Ndërmarrje është pikërisht nga moskryerja e këtij obligimi ligjor. Posta e Kosovës është ndërmarrje publike, në çdo vend të rajonit dhe të Evropës postat subvencionohen dhe mbështeten nga shteti?, thuhet më tutje në përgjigjen me shkrim të këtij institucioni?