web counter
LEXO PA REKLAMA!

SHKARKO APP

App Store
Google Play

 “Godet” deputetja demokrate/ Xhafaj dhe Marku mbrojnë tre kryebashkiakë të inkriminuar

9 Prill 2018, 14:25, Aktualitet CNA

Deputetja demokrate Nada Meçorape ka reaguar, pas njoftimit për procedim nga policia.

Përveç kryeministrit, Edi Rama, Meçorape ka shenjëstruar Ministrin e Brendshëm, Fatmir Xhafaj si dhe  kryeprokuroren Arta Marku, së cilës, sipas saj, iu deshën 3 ditë për të proceduar 4 kryebashkiakë dhe 20 deputetë.

?Siç heshti si ‘fija e barit’ për të paktën 3 kryebashkiakë të përgjuar, të dyshuar dhe të akuzuar publikisht për përfshirje në afera korruptive dhe kriminale. Fatmir Xhafaj dhe Arta Marku i kanë dosjet, por edhe ata heshtin si shefi i tyre?, shkruan Meçorape në rrjetet sociale.

Postimi i plotë:

Edi Rama ndenji duarkryq dhe gojëmbyllur për pesë vjet dhe nuk tha as edhe një fjalë për deputetët e tij me të shkuar kriminale.

Siç heshti si ‘fija e barit’ për të paktën 3 kryebashkiakë të përgjuar, të dyshuar dhe të akuzuar publikisht për përfshirje në afera korruptive dhe kriminale. Fatmir Xhafaj dhe Arta Marku i kanë dosjet, por edhe ata heshtin si shefi i tyre.

Kur vjen puna te përfaqësuesit e opozitës, që dolën në manifestime në përkrahje të popullit dhe taksimit të padrejtë të tij, Ramës, Xhafës dhe Markut iu deshën 3 ditë për të proceduar 4 kryebashkiakë dhe 20 deputetë.

Në atë listë jam edhe unë si deputete e opozitës në Vlorë. Kjo tregon se unë dhe kolegët e mi jemi në anën e duhur të historisë. Do të parapëlqeja gjithmonë të isha në listat që harton Rama për të dënuar, dhe jo në ato që bën për të promovuar./CNA.al

 





Lajmet e fundit nga