web counter
LEXO PA REKLAMA!

SHKARKO APP

App Store
Google Play

Ish-deputetja kushërirë me Arta Markun tregon shantazhet ndaj kryeprokurores

9 Prill 2018, 09:44, Aktualitet CNA

Ish-deputetja e PD-së, Albina Deda sqaron se kjo e fundit nuk ka asnjë gisht në procedimet penale ndaj deputetëve, ndërsa akuzon drejtpërdrejtë për to Kryeministrin Rama dhe ministrin e Brendshëm, Fatmir Xhafaj.

Ish-deputetja Deda, , e cila njihet për lidhjet familjare me kryeprokuroren Arta Marku,  është një nga protestuesit e proceduar për protestën e zhvilluar të enjten në rrethrrotullimin e Milotit.

Në një intervistë për ?Panorama?, Deda vlerëson maksimalisht punën e bërë në krye të Prokurorisë nga Arta Marku, por thekson se ndaj saj po përdoren të gjitha mënyrat për ta denigruar dhe për të mos e lënë të realizojë detyrat që i jep ligji.

Ish-deputetja e PD-së i cilëson të paligjshme arrestimet e protestuesve në Rrugën e Kombit, të kryera nga Policia e Shtetit me urdhër të Prokurorisë në 03:00 të mëngjesit. Por, sipas Dedës, vlerësimet që edhe për këtë rast bëhen për Kryeprokuroren Marku janë tendencioze, pasi nuk përmendet fakti që krahas protestuesve është proceduar edhe Policia e Shtetit.

?I quaj të paligjshme arrestimet. Duhej arrestuar vetë Kryeministri Edi Rama dhe oligarkët e tij. Por është poshtërsi që si në rastin e Lezhës ku u arrestua kryetari i PSsë dhe i Qarkut, socialisti Ndoka, po ashtu dhe në protestën e Kalimashit, ku është regjistruar procedim penal për Policinë e Shtetit nga Akuza, nuk përmenden fare. Kjo është tendencioze dhe shantazh i hapur ndaj Prokurores së Përgjithshme?- thote ajo.





Lajmet e fundit nga