web counter
LEXO PA REKLAMA!

SHKARKO APP

App Store
Google Play

Fundjavë e përgjakshme për shqiptarët në Itali

9 Prill 2018, 16:01, Aktualitet CNA

Ndërron jetë gjatë një feste ditëlindje 5 vjeçarja shqiptare.

Në një restorant në qytezën e Saponarës në Siçili po festohej ditëlindja e një vogëlushi italian. Ndër fëmijët e ftuar në këtë ditëlindje ishte edhe E.R. një vogëlushe shqiptaro-italiane (babai shqiptar).

Gjatë festës papritmas vogëlushja ndihet keq, me frymëmarrje të rënduar humb ndjenjat. Prindërit e dërgojnë në Poliklinikën e qytetit të Mesinës, por fatkeqësisht vogëlushja humb jetën. Prokuroria urdhëroi një hetim dhe kryerjen e autopsisë për të zbuluar shkaqet e një tragjedie të tillë.

2 motorciklistë shqiptarë plagosen në 2 aksidente të ndryshme

Këtë të dielë në hyrje të qytetit të Livornos një emigrant shqiptar 29 vjeçar u rrëzua nga motorcikleta dhe u përplas me trafik ndarësen. Ai u dërgua në spital i plagosur rëndë.

Këtë të dielë në qytezën Rozeto deli Abruci (Roseto degli Abruzzi) një motorciklist 50 vjeçar shqiptar u përplas me një Volksvagen Beetle të drejtuar nga një italiane 37 vjeçare. Motorciklisti shqiptar i plagosur rëndë u dërgua me helikopter në Spitalin ?Mazini? të qytetit të Teramos.

Emigranti shqiptar aksidentohet në punë e sipër

Një emigrant shqiptar 37 vjeçar u aksidentua në punë e sipër këtë të hënë në qytezën italiane të Poxhio a Kajanes (Poggio a Caiane). Ai po punonte në rikonstruksionin e një pallati, kur ra nga një skelë vetëm 2 metra e lartë, por përplasi kokën në cimento duke humbur ndjenjat.

I aksidentuari më pas iu nënshtrua një ndërhyrje kirurgjikale, sepse kishte edhe plagë e fraktura të tjera në trup. /Gjergj Thanasi /CNA.al





Lajmet e fundit nga