Protesta dhe sulmi ndaj pronës private/ Pse heshtin Dhomat e Tregëtisë dhe shoqatat e biznesit?

1 Prill 2018, 14:30, Aktualitet CNA

Vendosja e tarifave për mirëmbajtjen e Rrugës së Kombit, një ditë më parë, nxori në protestë një grup banorësh nga qarku i Kukësit.

Qytetarët që dolën në protestë, qëlluan me gurë mbi uniformat blu dhe i vunë flakën kabinave ku do të paguhej taksa për makinat që do të kalojnë në tunelin e Kalimashit.

Dhuna erdhi si formë kundërshtimi nga turma, ndaj vendimit të Qeverisë që ka të bëjë me një projekt të filluar në kohën e PD ?që, u vazhdua më tej nga LSI dhe që u finalizua nga Qeveria Rama-Meta.

Është fakt, se ka pasur një reagim të ashpër nga një turmë njerëzish.

Por, përtej debatit, se a duhet të jetë tarifa dhe duhet apo s?duhet trau, dje është sulmuar prona private në mënyrë brutale dhe të dhunshme, duke u djegur dhe shkatërruar totalisht.

Përtej reagimit të banorëve, pyetja shtrohet se a ka shoqata biznesi?

Si ka mundësi që në vendin tonë, as pas 24 orësh nuk ka asnjë shoqatë biznesi, asnjë Dhomë Tregëtie të reagojë në mbrojtje të biznesit, të reagojë në mbrojtje të pronës private, të investimit të bërë nga privati?

Atje u shkatërruan dhe u dogjën kompjutera , u shkatërruan dhe u dogjën kabinat.

Protestuesit kanë hedhur gurë, duke shkatërruar shufrat dhe duke i vendosur ato në zjarr.

Protestat janë të lira të zhvillohen ashtu si në çdo vend të botës, por pa degraduar në dhunë ndaj pronës private.

Protestuesit mund mund të qëndronin atje 24 orë, pasi kanë të gjithë të drejtën e tyre të protestojnë, të kundërshtojnë një vendim Qeverie dhe deri këtu s?ka asgjë të keqe.

Por, nuk mund të ndodhë, kjo që ndodh në vendin tonë që shoqatat e biznesit dhe Dhomat e Tregtisë nuk dalin në mbrojtje të pronës private, por dalin e bëjnë tërë ditën politikë dhe ndajnë lekët me ministrat apo me ministrin e radhës që vjen në pushtet.

Si mund të ndodhë në një vend demokratik, ku asnjë shoqatë biznesi dhe asnjë Dhomë Tregtie nuk del, nuk flet dhe nuk mban një qëndrim në mbrojtje të biznesit?

Të gjithë janë revolucionarë dhe të gjithë janë të korruptuar brenda sistemit politik shqiptarë.

Dhomat e Tregëtisë dhe Shoqatat e biznesit festojnë, në vend që të ngriheshin dhe të reagonin në mbrojtje të biznesit./CNA.al