web counter
LEXO PA REKLAMA!

SHKARKO APP

App Store
Google Play

E fundit!

x

Firmosi koncesionarin/ Pritet përjashtimi i Haxhinastos nga LSI?!

1 Prill 2018, 13:02, Aktualitet CNA

Një ditë pas protestës në ?Rrugën e Kombit?, ku qytetarë të Kukësit shprehën hapur kundërshtinë e tarifës së vendosur nga qeveria për këtë aks, opozita e bashkuar ka zbritur në Kukës, vizitë e cila nuk është pritur aspak mirë nga pushteti vendor.

Ishte ish-kryetari i PD ?së, Kukës, Ibsen Elezi, i cili nuk ka pranuar prezencën e deputetëve të LSI-së, ku ndër të tjera ka thënë ?Na sillni këtu deputetët e LSI ?së , partinë e cila  e ka firmosur rrugën?.

Ish-ministri i Infrastrukturës, Edmond Haxhinasto, një vit më parë ka firmosur koncesionarin për tarifën e ?Rrugës së Kombit? dhe e ka mbështetur atë me argumentin se ishin duke ndjekur një praktikë botërore.

Deklaratë publike 29 tetor 2014 e ish-ministrit të Infrastrukturës, Edmond Haxhinasto:

?Është diskutuar për një kosto 5 euro, por nuk mund të them se është shifra përfundimtare. Mendoj se do ndjekim një praktikë që tashmë është botërore. Është e domosdoshme që përdoruesit e rrugës, për të marrë një shërbim me cilësi më të lartë duhet të kontribuojnë për mirëmbajtjen e rrugës.

Kjo masë që unë thashë është llogaritur duke pasur parasysh edhe mesataret rajonale. Nuk është më e lartë se mesataret rajonale. Ajo masë është relativisht gati sa 3-4 litra naftë dhe besoj që do jetë një kosto e përballueshme nëse do kemi parasysh cilësinë e re që do të ofrohej në rrugë në rastin e realizimit të të gjitha shërbimeve të mirëmbajtjes që ajo rrugë ka nevojë?.

Vetëm dy ditë më parë Haxhinasto, në fjalën e mbajtur në seancën plenare të 29 marsit 2018, ish-ministri Haxhinasto, ka shprehur sërish bindjen pro kësaj tarife.

“Është vërtetë që dokumentet janë përgatitur me kohë, por porosia ishte e qartë: Tarifa të ishte nën tarifën mesatare të rajonit. Rruga e Kombit e trajtuar me një taksë optimale është mënyra më e mirë për ta kthyer në gjendje të qëndrueshme?.

Ish-ministri i Infrastrukturës, i cili një vit më parë firmosi kontratën dhe jo më larg se 2 ditë më parë në parlament u shpreh pro tarifës dhe sot me hipokrizinë më të madhe u paraqit në Kukës.

A do ta përjashtojë Monika Kryemadhi nga grupi parlamentar, deputetin Edmond Haxhinasto?

Qartazi LSI-ja tallet me shqiptarët, nga njëra anë ministri i saj firmos koncesionarin dhe e mbron, e nga ana tjetër drejtuesit e kësaj force dalin kundër taksës.

LSI-ja që pretendon ndershmërinë me heqjen e tarifës është forca që e ka vendosur në bashkëpunim me Edi Ramën.

Nga njëra anë LSI-ja thotë të hiqet, por nga ana tjetër janë këta që e kanë firmosur dhe e kanë vendosur me ministër asokohe Edmond Haxhinaston.

Kryemadhi duhet ta mbajë apo ta përjashtojë Haxhinaston nga LSI?! /CNA.al





Lajmet e fundit nga