web counter
LEXO PA REKLAMA!

SHKARKO APP

App Store
Google Play

E fundit!

x

"Sa e urren Kryeministri Kosovën"

1 Prill 2018, 14:08, Aktualitet CNA

Kryetari i grupit parlamentar të Lëvizjes Socialiste për Integrim, Petrit Vasili, ka reaguar pas konferencës për shtyp të kryeministrit Edi Rama lidhur me protestën e qytetarëve të Kukësit.

Sipas Vasilit, me qëndrimin e tij, kryeministri Edi Rama, tregoi urrrejtjen e tij për Kosovën, pasi sipas tij nuk i intereson fare për Kosovën dhe interesat ekonomike të saj.

“Sot kryeministri pati vetem nje moment sinqeriteti.Ai e tregoi qarte dhe eger urrejtjen dhe perbuzjen ndaj Kosoves.
Ai me arrogance dhe percmim i tregoi deren Kosoves,tregoi se nuk i behet vone fare per interesat ekonomike te saj, tregoi se Kosova eshte si te gjithe shtetet e tjera ne glob,tregoi se e perbuz Kosoven dhe drejtuesit e saj dhe as begenis te flase fare me ta per asnje problem.”, shkruan Vasili.

Sipas tij, “…per kryeministrin, qe urren Kosoven ajo eshte thjesht nje klient.
Per kryeministrin me antishqiptar te historise Kosova nuk eshte vendi i vellezerve tane te nje gjaku,nuk eshte vendi i martirizuar nga gjenocidi serb,nuk eshte nje djep i patriotizmit dhe atdhedashurise,nuk eshte vendi i mendjeve te ndritura e shume te dashura shqiptare,per te eshte thjesht nje klient, qe s’ka nga t’ja mbaje dhe do kaloje te rruga e kombit ku pret t’i plaçkise ky kryeminister antishqiptar.
Ky eshte turpi me i rende i ketij kryeministri.
Per ne te gjithe Kosova eshte dhe do te jete ne jete te jeteve vendi i dashur i vellezerve tane te nje gjaku dhe rruga e kombit nje arterie ku vellezerit te levizin lirshem si ne shtepine e tyre.” /CNA.al





Lajmet e fundit nga