Monopolet farmaceutike lënë pa anestezikun Mepivacaine dentistët shqiptarë

11 Mars 2018, 19:02, Aktualitet CNA

Deputeti Shalësi ishte profetik në thënien e ti, kur PS-ja ishte ende në opozitë se socialistët (rilindasit) do të vidhnin ndryshe nga PD-ja. Kur ministra shëndetësie ishin përfaqësues të PD-së apo partiçkave aleate të saja përgjithësisht jepej ryshfet për barnat, për futjen e tyre në lista rimbursimi, për leje importi për këtë apo atë medikament dhe kaq. Me ardhjen e Rilindjes në pushtet nuk mjafton thjesht të paguash ryshfet e të mbarosh punë. Absolutisht jo! Biznesmenët, që merren me importimin e medikamenteve në Shqipëri janë me fat, deri në momentin, që një rilindas apo dikush i lidhur me ta nuk ia ka vënë syrin segmentit të tregut në fjalë. Në të kundërt përdoret çdo yçkël legale, madje edhe abuzim i pastër me përdorim të shtetit si comagë kokës për të të nxjerrë me shkelma nga tregu. Vendin tënd e zë rilindasi duke futur të njëjtin produkt, por të importuar nga një vend tjetër, apo duke e zëvendësuar produktin me një ?trade name? përgjithësisht të importuar ?uma-uma? nga India, Kina apo të importuar legalisht nga një vend i BE-së famëkeq si fjala vjen Qiproja Greke.

Sot së paku në Durrës, Vlorë dhe Elbasan ndjehet një mungesë e theksuar e medikamentit (anestezikut) Mepivacaine, që shërben si anestezik kryesisht në klinikat dentare. Më troc po bëhet gjithnjë e më e vështirë për dentistët në këto qytete (ndoshta edhe në zona të tjera të Shqipërisë), që të furnizohen me këtë medikament në depot farmaceutike. Pa një anestezik të tillë ekstraksioni (shkulja) e dhëmbëve bëhet e pamundur, nëse nuk duam të biem te niveli i nallbanit të fshatit, që njëherë e një kohë i shkulte dhëmbët me darën e kovaçit pa narkozë! Me raste edhe procesi i mbushjes së dhëmbëve po ashtu preket nga mungesa e një anesteziku të tillë.

Mungesa e një anesteziku të tillë nuk vjen se nuk e prodhojnë më fabrikat apo se nuk e importon njeri në Shqipëri, por se me mjete ekstra legale një sasi e madhe e këtij anesteziku është bllokuar në Doganën e Durrësit (ndoshta edhe në Rinas në sasi më të vogla). Ky bllokim bëhet i qëllimshëm me synimin që kompania, që e importon në Shqipëri të dalë nga tregu dhe vendin e saj ta zërë kompania ?rilindase? duke importuar të njëjtin produkt të kompanisë amerikane (prodhuar nga filiali i saj francez), por tashëm prodhuar si i thonë fjalës ?cin e ma cin?, ose ndoshta të njëjtin produkt, por me emra tregtarë të tjerë si fjala vjen Polocaine, Carbocaine apo edhe Isocaine. Faturën e kësaj konkurence alla rindase e paguajnë ?delet? shqiptare, që ka shumë mundësi t?u shkulen dhëmbët me darë pa narkozë, se fundi i fundit delet e meritojnë një ?fat? të tillë! /Gjergj Thanasi/CNA.al