web counter
LEXO PA REKLAMA!

SHKARKO APP

App Store
Google Play

Çfarë përmban plani "sekret" amerikan për Kosovën dhe Serbinë

11 Mars 2018, 16:57, Aktualitet CNA

Administrata e Shteteve të Bashkuara të Amerikës ka një plan për Kosovën, që përbëhet nga katër pika, tekstin e të cilës e kanë bërë publike media serbe. Gazeta serbe “Vecernje Novosti”, e quan raporton se teksti i planit amerikan do të jetë bisedë kyçe të martën, gjatë vizitës së ndihmësit të Sekretarit të Shtetit për Europë dhe Azinë, Ves Mitchel në Beograd.
Dokumenti përcakton se komuniteti i komunave serbe do të marrë kompetenca më të gjera ekzekutive dhe kompetenca të zgjeruara në fushën e shëndetësisë, arsimit dhe kulturës, ndërkhë që Beogradi pritet t’ja mundësojë Prishtinës të bashkohet me organizatat ndërkombëtare.
Nëse pala serbe bie dakord me këtë paketë, Serbisë do t?i mundësohet bashkimi me BE, dhe  SHBA do të garantojnë mbështetje më të madhe ekonomike dhe diplomatike në arenën politike ndërkombëtare, shkruan gazeta sërbe.

Sipas të cilës iniciativa e amerikane për hedhjen e një hapi të tillë vjen nga fakti se ata janë të pakënaqur me udhëheqëisnë e Brukselit kur është fjala për çështjen e Kosovës.

“Novosti” deklaron se ky propozim ka gjithashtu “anën tjetër të medaljes e cila, para së gjithash, e transferon barrën e madhe të përgjegjësisë në shpinë të Vuçiqit”.
Gazeta deklaron se nuk është rastësi që kreu i shtetit është “adresa e parë” për këtë paketë, sepse është figura më e fortë politike në vend. Ai gjithashtu shkruan se për shkak të kësaj “dërgesë”, çështja tani është se çfarë do të ndodhë nëse Beogradi dhe presidenti Vuçiç do të refuzojnë idetë e SHBA.

“Pasoja e parë tashmë është kanosëse: bllokimin e integrimit evropian të vendit tonë, apo humbja e një shans për t’u bërë anëtare e BE-së. Faktori i dytë i rrezikut është një humbje e vlerësuar e investimeve të huaja direkte, veçanërisht nga vendet e BE, e cila do të jetë një goditje e madhe për ekonominë serbe?.
Gazeta shkruan se të gjitha këto “skenare të zeza” po “kërcejnë” nga zyrtarët serb përmes kanaleve diplomatike jozyrtare perëndimore./CNA.al





Lajmet e fundit nga