E fundit!

17:40 Aktualitet

"E ka fituar dhe një prej kumbarëve të qeverisë në takimin e Arubës"/ Këlliçi: Të anulohet procedura për Milot–Balldren

Nënkryetari i Partisë Demokratike, Belind Këlliçi është sh...

Mishi i prishur belg "pushton" Europën/ Mediat tregojnë kush dhe si u zbulua skandali

11 Mars 2018, 16:40, Aktualitet CNA

Çështja e mishit të prishur belg të eksportuar në një sërë vëndesh europiane, afrikane dhe të Ballkanit është bërë temë dite në të gjithë Evropën.

Sikurse bëjnë të ditur mediat, ka qenë një punëtor i kompanisë eksportuese belge të mishit, “VEVIBA”, që ka treguar se kanë eksportuar mish të prishur në të gjithë Evropë Juglindore, në Afrikë e disa vënde të Ballkanit, por ai ka pranuar të flas vetëm për Kosovën.

Ai ka thënë se kanë qenë pikërisht autoritetet kosovare që të parat e kanë zbuluar mishin e prishur nga Belgjika në vitin 2016 dhe i kanë njoftuar autoritetet belge.

Pas njoftimit që autoritetet belge kanë marrë nga Agjencia Kosovare e Ushqimit dhe Veterinisë, në këtë shtet kanë nisur hetimet dhe është zbuluar skandali me mishin e prishur.

Punëtori denoncues, aktalisht, është dëshmitari i mbrojtur me emrin e koduar ?Bruno?. Bisedën e tij të mbremëshme në televizionin belg “RTBF”, ku ka denoncuar se mishi nuk ishte i destinuar për tregun belg, e ka zjellë në shqip “Zeri Info”.

?Një vend është kthyer si dëshmi, Kosova. Atje është zbuluar mashtrimi me mishin e prishur belg dhe më pas kanë nisur hetimet këtu,në Belgjikë?, ka thënë dëshmitari i mbrojtur i cili e ka pranuar se vet ka bërë mashtrime dhe e ka paketuar mish që ishte menduar të dërgohej në Kosovë.

Në intervistë ky dëshmitar tregoe se mishi që dërgohej në shtetin e Kosovës ishte i dëmshëm dhe nuk duhej të konsumohej. Ai madje shpjegoi se nga mishi i freskët rrjedh gjak i zakonshëm, por nga mishi që ishte i destinuar për Kosovë rridhte gjak i gjelbër.

?Bruno? po ashtu ka pranuar se ai personalisht ka ndryshuar etiketat e mishit, afati i të cilit tashmë kishte skaduar.

Në anën tjetër, zëdhënësi i Agjencia Kosovare e Ushqimit dhe Veterinisë, Lamir Thaçi ka sqaruar se ngarkesa e parë e këtij mishi që kishte si destinacion Kosovën, nuk kishte arritur. Kjo pasi sasia e mishit ishte ndaluar në kufi dhe ishte asgjësuar. /CNA.al