web counter
LEXO PA REKLAMA!

SHKARKO APP

App Store
Google Play

E fundit!

x

Pse skandalet e Bashës, shpëtojnë Edi Ramën?

10 Mars 2018, 14:33, Aktualitet CNA

Që kur  Lulzim Basha është në vënë në krye të opozitës, edhe para marrëveshjes me Edi Ramën, faktet kanë treguar se ai është në dispozicion të këtij të fundit, për të mbuluar skandalet e kryeministrit.

Kemi një Kryeministër me një mijë e një hajdutë nga pas, që kanabizoi vendin, që i plasi skandali i kokainës, ku krimi dhe korrupsioni po bëjnë kërdinë si dhe ekonomia është në gjendje të mjerueshme.

Të gjitha skandalet, të gjitha problematikat nuk po e rrëzojnë Edi Ramën, sepse përballë tij qëndron Lulzim Basha.

Në momentin që plas një skandal i qeverisë, skandalet e Bashës e shpëtojnë Ramën.

Në momentin që këtu plas skandali i kokainës, i drogës, i ministrave të korruptuar, dalin edhe skandalet Bashës.

Në  fillim ishte skandali i përjashtimeve brenda partisë, skandali i shit-blerjeve të deputetëve, pazaret me Edi Ramën, mosrespektimi i institucioneve brenda partisë, për të vijuar më tej skandalin e deputetit të  tij me biseda perverse dhe së fundmi marrëveshja e dyshimtë, ku Departamenti Amerikan i Shtetit nëpërmjet Zërit të Amerikës thotë, që pagesat nëpërmjet kompanive ruse janë të paqarta.

Maftojnë këto fakte,  për të treguar se Lulzim Basha është i përfshirë në aq shumë skandale si dhe njëherësh paraqitet i paaftë, për të rrëzuar korrupsionin e Edi Ramës me një mijë e një hajdutë nga pas.

Në një vend normal demokratik, me gjithë këto skandale një Qeveri do të kishte ikur, por në Shqipëri nuk ndodh kështu, sepse shqiptarët nuk kanë alternativë. Sepse zgjidhja nuk është dhe nuk mund të jetë Lulzim Basha.

Lulzim Basha e ka treguar se jo vetëm është njeriu i Edi Ramës, por ka edhe skandale të mëdha nga pas, të cilat përpiqet ti kalojë në heshtje.

Edhe kur flet thotë gënjeshtra pa fund, por ende nuk e ka kuptuar se shqiptarët nuk e besojnë më.

Sot shqiptarët nuk kanë një problem, por dy, kryeministrin Rama dhe kreun e PD, Lulzim Basha./ CNA.al





Lajmet e fundit nga