web counter
LEXO PA REKLAMA!

SHKARKO APP

App Store
Google Play

Censurimi i mediave, zbardhet e vërteta/ Propozimet nuk janë hartuar nga KQZ

10 Mars 2018, 12:57, Aktualitet CNA

Sot në media është raportuar se KQZ po tendon t?u vërë censurë mediave për mënyrën e raportimit.

Duke iu referuar analizës vjetore të KQZ ?së, të mbajtur në Shkoder në fund të vitit të kaluar, u raportua, se KQZ i kishte dërguar Kuvendit disa propozime, me objektiv shtrirjen e kontrollit dhe aplikimit të kufizime mbi portalet dhe gazetat, të cilat sipas Komisionit kanë impakt të madh në zgjedhje.

Një burim jozyrtar i ka thënë CNA. al, se një version i tillë nuk qëndron.

I njëjti burim ka sqaruar se çfarë është diskutuar në  analizën vjetore të KQZ ?së, të mbajtur në Shkodër dhjetorin e vitit të kaluar.

Në datat 13-14 Dhjetor 2017 KQZ-ja zhvilloi në Shkodër, me mbështetjen e Prezencës së OSCE dhe UN Women, analizën vjetore të punës, një risi sa i takon formës, formatit dhe përmbajtjes së veprimtarisë.

Analiza u mor gjerësisht me tematikën e zgjedhjeve për Kuvendin të datës 25 Qershor 2017, nën moton ?Lessons learned?.

Propozimet kanë qenë produkt i këtij aktiviteti, të dala nga diskutimet e stafit drejtues të administratës së KQZ-së, ndërsa kanë adresuar disa nga temat kryesore që lidhin KQZ-në me reformën e pritshme zgjedhore.

Gjithnjë sipas një burimi jozyrtar, materiali bashkëlidhur nuk është dokument zyrtar i KQZ-së, nuk shpreh qëndrimin apo vullnetin e KQZ-së dhe as të anëtarëve të veçantë të tij.

Ai është një përpjekje për të katalogizuar një listë me rekomandime për çështje që prekin drejtpërdrejtë KQZ-në, ose për të cilat KQZ-ja ka fituar ndjeshmëri përgjatë veprimtarisë së saj. Ai nuk përmban as formula sublime, as zgjidhje përfundimtare.

Synimi prioritar ka qenë që KQZ-ja, me kontributin e të gjithë anëtarëve të saj, të eksplorojnë mundësinë e prodhimit të një dokumenti konsensual rekomandimesh për t?ia paraqitur Komisionit të Reformës (prandaj është formatuar si set rekomandimesh)./CNA.al

 

 

 





Lajmet e fundit nga