web counter
LEXO PA REKLAMA!

SHKARKO APP

App Store
Google Play

E fundit!

x

Prokuroria kërkon konfiskimin e pasurisë së Mark Frrokut

3 Mars 2018, 17:32, Kronika CNA

Gjykata është shumë afër sekuestrimit të pasurive të ish-deputetit socialist, Mark Frroku.

Burime për CNA.al  nga prokuroria e përgjithshme bëjnë të ditur se organi i akuzës kërkon të konfiskohen pasuritë e Mark Frrokut, që kapin vlerën e rreth 158 milionë lekë dhe që dyshohen se nuk justifikohen me të ardhurat e fituara në mënyrë të ligjshme.

Prokurori i dosjes, Klodian Braho i tha gjykatës se Mark Frroku është dënuar në Shqipëri për tre krime, atë të fshehjes së pasurisë, pastrim parash dhe ndërtim i paligjshëm.

Po ashtu, sipas tij, shtetasi Mark Frroku me vendimin nr.13/129123-02, datë 04.12.2002 të Gjykatës së Amstërdamit, Hollandë, është dënuar me tre vjet burgim për veprimtarinë kriminale të trafikimit të lëndëve narkotike, duke përdorur atje emrin Piro Sofrani, i datëlindjes 02.07.1969, lindur në Korcë, Shqipëri. Fakti penal i mësipërm ka ndodhur në vitin 2002.

Prokurori thekson se Mark Frroku është dënuar lidhur me nenin 287, gërma (b) të K.Penal, pasi ai në periudhën 2008 deri në vitin 2013 ka krijuar një pasuri prej 209.627.218 lekë, që nuk justifikohet me burime financiare të ligjshme, duke u provuar në gjykim se pasuria në fjalë është produkt i veprimtarisë së paligjshme të shfrytëzimit të prostitucionit dhe trafikimit të lëndëve narkotike, të kryer përgjatë viteve 1999-2002.

Sipas organit të akuzës, nëpërmjet krijimit të shoqërive tregtare tregtare, Mark Frroku ka mbuluar dhe fshehur paratë e siguruara nga veprimtaria e paligjshme kriminale e mësipërme.

Ndër të tjera, prokurori deklaron se ?Sipas aktit të ekspertimit kontabël të kryer gjatë hetimit penal ndaj shtetasit Mark Frroku, të administruar si provë e vlefshme në këtë gjykim, ka rezultuar se Mark Frroku në periudhën 1998-2007 kanë krijuar një pasuri me vlerë 73.863.722 lekë që nuk justifikohet me burime financiare të njohura, për periudhën 2008-2013 ka krijuar një pasuri prej 135.763.496 lekë, që nuk justifikohet me burime financiare të njohura. Pra, gjithsej deri më datë 31.12.2013 ka rezultuar se pasuria e krijuar që nuk justifikohet me burime financiare të njohura është në shumën 209.627.218 lekë.?

Pra, në total nga viti 1991 deri në vitin 2013 rezulton që shtetasi Mark Frroku dhe familjarët e tij kanë realizuar të ardhura nga burime të ligjshme në shumën 55.092.990 lekë, ndërkohë që kanë kryer shpenzime në shumën 193.687.444 lekë. Në këtë mënyrë, shuma e shpenzimeve të pajustifikuara për periudhën e mësipërme, është në shumën 193.687.444 lekë – 55.092.990 lekë = 138.594.454 lekë.

Po ashtu, prokurori bën të ditur se ?shuma totale e shpenzuar nga shtetasi Mark Frroku dhe familjarët e tij për blerjen e pasurive të paluajtshme objekt i kërkesës për konfiskim, duke iu referuar çmimit të përcaktuar në kontratat përkatëse është në masën 55.153.660 lekë, ndërsa vlera totale e tyre, sipas vlerës së tregut në momentin e blerjes së pasurive të paluajtshme, është në masën 158.534.730 lekë.?

Kujtojmë këtu se aktualisht ish deputeti socialist po vuan dënimin me 6 vjet heqje lirie për tre vepra penale të kryera në Shqipëri./ CNA.al





Lajmet e fundit nga