web counter
LEXO PA REKLAMA!

SHKARKO APP

App Store
Google Play

E fundit!

x

Kush është prokurori që u dhunua në Vlorë/ Zbardhen detaje të reja

3 Mars 2018, 15:58, Kronika CNA

Prokurori Kledjon Llaho, është sulmuar në vendin e tij të punës. Ai është goditur në fytyrë me kokë nga një 50 vjeçar. Mësohet se shkak për dhunën është bërë dosja që prokurori Llaho kishte në dorë e në të cilën flitet se ishte i përfshirë edhe 50-vjeçari. Situatën më të rëndë e bën fakti, se ngjarja ka ndodhur në institucionin e organit të akuzës në Vlorë, duke nxjerrë në pah kështu dhe mungesën e sigurisë në këto institucione.

Ndërkaq nga ana tjetër zvarritja e dosjeve në prokurori, në mjaft raste ka irrituar qytetarët, të cilët duke humbur çdo shpresë, kanë parë si mundësi të fundit denoncimet në media. Por, ky nuk ka qenë rasti i 50 vjeçarit nga Vlora, i cili siç duket ka marrë përsipër ta ndajë vetë drejtësinë.

Rasti i ndodhur në Prokurorinë e Vlorës, po hetohet dhe autori është arrestuar. Gjithashtu mësohet se edhe prokurori i lënduar ka marrë trajtimet mjekësore. Prokurori Kledian Llaho u emëruar në organin e akuzës të Vlorës, në qershor të vitit 2014 me një dekret të firmosur nga Presidenti, në atë kohë Bujar Nishani. Paraprakisht 40 vjeçari Llaho, ka qenë Oficer i Policisë Gjyqësore, në Durrës.

Dekretimi i Llahos dhe disa kolegëve të tij, vijnë menjëherë pas zgjedhjeve të fundit në Këshillin e Prokurorisë dhe pas disa lëvizjeve që ish-kryeprokurori Llalla, në atë kohë, kishte bërë në Njësitë e Task-Forcës në qendër dhe rrethe./ CNA.al





Lajmet e fundit nga