E fundit!

22:46 Aktualitet

Pas ndeshjes, protestuesit zhvendosen te selia e PD-së: Opozitë e shitur

Pas ndeshjes, protestuesit janë zhvendosur para selisë së ...

Bizneset ndotin qytetin, Ministria e Mjedisit hesht dhe bëhet palë

2 Mars 2018, 21:05, Kronika CNA

Nga ARTUR AJAZI

Qyteti i Elbasanit, vazhdon të ndotet nga bizneset e paligjshme të cilat operojnë prej vitesh në ish-Kombinatin Metalurgjik. Konkretisht prej ores 16.00 deri orët e vona të natës të ditës së premte, Bradasheshi, lagjet periferike dhe qyteti Elbasanit, është mbuluar nga re tymi dhe smogu të ardhura nga oxhaqet e uzinave të shkrirjes së çeliqeve të ndryshkura të cilat janë prone e firmës ?KURUM? e cila prej 2 vitesh ka deklaruar falimentimin në Drejtorinë e Tatimeve. Qyteti është mbuluar nga re të dendura tymi dhe smogu, me aromën e furrave të çelikut të KURUM dhe FerroKrom-Albania, të cilat i kanë rikthyer qytetit ndotjen e dikurshme të fushës së plehrave. Banorët e Bradasheshit dhe lagjeve periferike të Elbasanit, kanë apeluar tek kryeministri Rama të ndalë dorën vrastare të kompanisë turke, pasi në të kundërtën ata do ta ndalin me rrugë të tjera.

Të indinjuar ata janë shprehur se ?qeveria dhe konkretisht Ministria e Mjedisit përmes kreut të saj zotit Klosi na ka premtuar se do të ndalin ndotjen e KURUM, një kompani skandaloze, me borxhe dhe e dyshimtë, pasi edhe pse ka deklaruar falimentin, vazhdon të blejë dhe shesë çeliqe , vazhdon të ndezë furrat pa vendosur sistemin e filtrave, duke ndotur gjithçka jetësore, ne na është sosur durimi dhe do të bëjmë vetëgjyqësi, po na sëmuren burra, gra dhe femijë, po ndotet fusha dhe mali, po ndoten bagëtitë, dhe qeveria bën sehir?.

Ndotja ka arritur kulmin pasditen e të premtes në Elbasan, nga bizneset e papërgjegjshme dhe tolerance e Ministrisë së Mjedisit, e cila duket se është bërë palë me turqit. Banorët e Elbasanit, akuzojnë Ministrinë e Mjedisit dhe kreun e saj zotin Klosi , se i ka mashtruar, lidhur me problemin jetik të ndotjes nga KURUM dhe AlbaniaKrom, dy uzinat karrakatinë me teknologji të vjetëruar, që me furrat e tyre mesjetare po qelbin fshatrat dhe deri qytetin e Elbasanit. Edhe pse prej vitesh paralajmerohen nga çdo qeveri për vendosjen e sistemit të filtrave në oxhaqet e ndertuara qysh në 1968, sërish ata arrijnë që korruptojnë çdo minister Mjedisi që gjoja tenton të ?zbatojë ligjin?.

Qytetarët e Elbasanit shprehen të indinjuar se ?nuk do ta votojnë më këtë qeveri në rast se nuk ndalon ndotjen, pasi thamë se shpëtuam nga ndertimi landfillit të plehrave, dhe tani po na mbyt KURRUM, Ferro-Kromi, apo dhe një rafineri nafte e menaxhuar nga kinezët, e cila ka nisur të punojë pa plotësuar asnjë kusht mjedisor fare afër ish-fabrikës së tullave në Bradashesh?. /CNA.al