web counter
LEXO PA REKLAMA!

SHKARKO APP

App Store
Google Play

Aferat e gjyqtarëve/ Komisioni i vetingut merr në dorë foto, video dhe fakte  

28 Shkurt 2018, 09:55, Aktualitet CNA

Komisioni i Pavarur i Kualifikimit ka marrë në dorëzim me qindra prova sa i takon aferave që kanë bërë gjyqtarët dhe prokurorët në sistemin e drejtësisë.

Pranë Komisionit të Pavarur të Kualifikimit kanë mbërritur plot 622 denoncime, që prej muajit tetor e deri më tani.

Muaji ku ka pasur vrull denoncimesh është muaji dhjetor. Sipas të dhënave, në tetor pranë KPK janë depozituar vetëm 2 denoncime, në nëntor 112 denoncime, në dhjetor 321 denoncime dhe në janar 187 denoncime.

Numri më i madh i denoncimeve ka qenë për çështje civile, e kryesisht çështje pronësie, raporton gazeta Sot.

Pas  disa apeleve të bëra nga KPK se çdo denoncim duhet shoqëruar me prova, mësohet se ka dhe nga ata që kanë depozituar fakte që implikojnë emra të rëndë- sishëm të gjyqësorit dhe prokurorisë shqiptare.

Një burim i rëndësishëm ka thënë se janë depozituar foto, video, por edhe dëshmi që tregojnë raste korrupsioni.

Ka dhe nga ato denoncime ku qytetarët tregojnë me detaje gjithë rrjetin e përfshirë në skemat e korrupsionit, që nga sekserët e deri te emri i gjyqtarit.

Sipas ligjit çdo lloj akuze duhet të shoqërohet me fakte. Një pjesë e madhe nuk zotërojnë fakte të tilla, por ka dhe nga ata që kanë regjistrime audio-video dhe përmes tyre rrezikohen shumë emra.

Mësohet se procesi i verifikimeve të denoncimeve po ndikon dhe te vonesa për rezultatet e emrave prioritarë. Nga ana tjetër, procesi i verifikimit ndodhet në fazë përfundimtare dhe komisioni po verifikon 5 vendimet e zgjedhura me short për gjyqtarët dhe prokurorët.





Lajmet e fundit nga