web counter
LEXO PA REKLAMA!

SHKARKO APP

E fundit!

x

Rehabilitimi i Gjanicës në Fier/ IKMT prish ndërtesën e 4 me shpërthim të kontrolluar

17 Shkurt 2018, 09:35, Kronika CNA

Pas një sërë shembjesh të ndërtesave në qytetin e Fierit, Inspektorati Kombëtar i Mbrojtjes së Territorit, ka paralajmëruar prishjen e objektit të katërt me shpërthim të kontrolluar në orën 12:00.

Objekti është i lartë gjashtë kate dhe specialistët e IKMT kanë hapur në trupin e tij 400 furnella ku do të vendosen 8 kilogramë lëndë shpërthyese.

Për mbrojtjen e objekteve që ndodhen pranë nga shpërthimi, janë vendosur 3 mijë thasë me rërë.

IKMT u ka bërë thirrje pronarëve të objekteve pranë të mbajnë hapur dyert dhe dritaret për të shmangur dëmtimet nga vala shpërthyese.

Objekti që do të prishet është në vijim të aksionit të IKMT në Fier, në kuadër të rehabilitimit të lumit Gjanica dhe qendrës së qytetit. /CNA.al





Lajmet e fundit nga