E fundit!

15:57 Aktualitet

VIDEO-Vrasja në Maliq, Lamallari “zbarkon” në Policinë e Korçës

Ministri i Brendshëm, Besfort Lamallari, ka zbarkuar në Dr...

Video-Basha kundër integrimit të Shqipërisë në BE/ Ja faktet si ka ndryshuar qëndrimet

10 Shkurt 2018, 18:13, Aktualitet CNA

Kryetari i Partisë Demokratike, Lulzim Basha në pothuajse të gjitha qëndrimet e tij e ka treguar se interesi i vetëm i tij është ai i karriges personale dhe jo shqetësimi për fatin e shqiptarëve dhe rrugën e tyre drejt BE.

Përveç tradhëtisë që bëri ndaj demokratëve, me çadrën apo marrëveshjen e 18 majit me kryeministrin Rama, qëndrimin e tij kundër interesave europianiste të shqiptarëve Basha e ka treguar sistematikisht.

Po të bëjmë një retrospektivë të shkurtër do të shohim që Lulzim Basha ka pasur dhjetra qëndrime antieuropiane, ka treguar paaftësi politike, është sjellë si politikan infantil dhe shpesh ka vënë në pozitë PD dhe shumë prej drejtuesve të saj. Pa lënë mënjanë edhe Berishën që shpesh thoshte se Luli ishte i ri dhe do mësonte, apo tani që thotë në konfidencë se Basha është politikan i pazoti.

Por, le të shohim më të thjeshtën, Basha gjatë viteve 2014-2017 ka sulmuar çdo tezë të ish-ministres Bregu në lidhje me hapjen e negociatave për anëtarësimin në Bashkimin Europian.

Por këtu bie në sy edhe paaftësia dhe mediokriteti i Lulzim Bashës, i cili pasi sulmon tezat e ish-ministres, vetëm sepse ato i ka thënë Bregu apo ndonjë politikan tjetër i PD-së. Pas ca kohësh kujtohet dhe del me të njëjtin qëndrim. Pra, paraqet të njëjtat teza, por i ?shet? si qëndrime apo teza të tij. Del kundër BE, pastaj kujtohet dhe i vjedh idetë dhe tezat e të tjerëve.

Kjo tregon sesa i vonuar është Lulzim Basha dhe qëndrimi i tij ndër vite ka qenë kundërthënës për çeljen e negociatave të anëtarësimit të Shqipërisë në BE.

Për ta kuptuar më mirë, po ju sjellim edhe disa shembuj konkret. Më i fundit është në dhjetor të vitit 2017, ku ish-ministrja e Integrimit, Majlinda Bregu në një studio televizive është shprehur ?Ankorimi i vetëm i shpresave të shqiptarëve dhe mundësia për të shtuar lupën e monitorimit, të kontrollit dhe të presionit ndaj qeverisë për të ndërmarrë reforma është hapja e negociatave me BE. Të dalë me një qëndrim zyrtar të PD, dhe të sqarojë, sepse të paktën dy vitet e fundit unë mund tju përmend pesë qëndrime të ndryshme të Lulzim Bashës për çeljen e negociatave me BE, në data të ndryshme?.

Ndërkohë, Basha kujtohet për këtë pas pothuajse tre muajsh. Në shkurt 2018, Basha i ?vjedh? tezen Bregut duke e shitur si të tijen dhe del me një qëndrim sikur mbështet hapjen e negociatave me vendet e BE-së.

?Ne duam që negociatat të hapen edhe pse vendi përballet me shqetësime të rënda dhe serioze nga një sërë vendesh anëtare të BE-së, në lidhje me krimin e drogën me origjinë nga Shqipëria dhe me emigracionin e paligjshëm nga bashkëqytetarët tanë që kanë humbur shpresën dhe mundësitë të jetojnë në Shqipëri.

Ne shpresojmë që këto probleme të mos ndikojnë në vendimin për hapjen e negociatave nga vendet e BE-së dhe të mos pengojnë hapjen e tyre.? ?qëndrimi i Bashës në shkurt 2018.

Në shtator 2017, Basha në një seancë plenare të Kuvendit të Shqipërisë ishte shprehur kundër celjes së negociatave me BE. ?Nuk hapen negociatat, nuk kam fuqi unë ti bllokoj negociatat jo, por fuqinë për të bllokuar negociatat e ka vetëm qeveria dhe e ke bllokuar sepse ti qeveris me krimin.?- ka deklaruar Lulzim Basha.

Ndërsa në nëntor 2016, ish-ministrja Bregu deklaroi ?Hapjen e negociatave e shoh si mundësinë me të mirë për ta bërë Shqipërinë të jetueshme, e shoh si mjetin e vetëm sot për të shkurtuar kohën e zullumeve të një qeverie, për të zvoglëluar mundësinë e grabitjeve dhe vjedhjeve që i bëhet shqiptarëve çdo ditë dhe si një mundësi garante për shtetin e së drejtës dhe një qeverisje demokratike.?.

Një tjetër shembull është edhe ai i përplasjes së ish-ministres Bregu me Aldo Bumçin në Parlamentin Europian.

Në nëntor të vitit 2016, Malinda Bregu ka dal kundër qëndrimit zyrtar të PD që ishte kundër për çeljen e negociatave, Bregu atëherë i kërkoi Komisionit ti çel ato.

Ndërkohë Partia Demokratike përmes Aldo Bumçit, i porositur nga Basha, kërkoi që Komisioni Europian të mos hapë negociatat për anëtarësimin e Shqipërisë në Bashkimin Europian.

Sollëm këto pak raste dhe një video të shkurtër pasi ajo mund të ishte edhe me orë e zgjatur. Lulzim Basha ka qenë pa ndalim kundër rrugës europiane të Shqipërisë dhe jo me fjalë, por me vepra dhe në institucionet europiane. Krahasimet e qëndrimeve me ish-ministren Bregu nxjerrin zbuluar Bashën, i cili pretendon se është politikan perëndimor dhe nga ana tjetër bën gjithçka që të pengojë rrugën e Shqipërisë drejt perëndimit./ CNA.al