web counter
LEXO PA REKLAMA!

SHKARKO APP

App Store
Google Play

Trafik klandestinësh shqiptarë për në SHBA nëpërmjet Peruxhjes

2 Shkurt 2018, 12:55, Aktualitet CNA

Masat antiterror dhe kundra klandestinëve të Administratës Trump duket se po japin fryt. Përfaqësues të ?Homelend Security? të kamufluar si diplomatë në Ambasadën Amerikane në Romë bashkëpunuan me policinë italine për të neutralizuar një grup kriminal italo-shqiptar i specializuar në dërgimin e klandestinëve shqiptarë në SHBA.

Policia italiane arrestoi 2 shtetas italianë të moshave 44 dhe 47 vjec si edhe emigrantin shqiptar P.P. 37 vjec. Emigranti shqiptar pasaportave të vjedhura italiane u ndërronte fotot duke u vënë foto të klandestinëve shqiptarë e jo vetëm. Më pas cifti italian pronar i një agjensie udhëtimesh në qytezën e Folinjos (Foligno), mbushte një dokument të quajtur E.S.T.A., me anë të të cilit shtetasit italianë lejohen të hynë në SHBA pa vizë si edhe të qëndrojnë në territorin amerikan për 90 ditë. Në këtë mënyrë shtetasit shqiptarë të shndërruar në italianë hynin pa probleme në Amerikë.

Nga verifikimet e autoriteteve të emigracionit në SHBA rezulton se disa prej këtyre klandestinëve shqiptarë me pasaporta italiane të falsifikuara kanë hyrë në SHBA dhe nuk kanë dalë edhe pasi ka kaluar afati i 90 ditëve. Ka një alarm të shtuar të 007-tave amerikane për shkak të dyshimit të arsyeshëm se ndër të tillë klandestinë me pasaporta false italiane mund të ketë edhe terroristë shqiptarë ose edhe jo shqiptarë etnikë. Sipas mediave italiane priten zhvillime të reja në këtë drejtim. Mbetet për t?u parë, nëse atasheu ligjor Gjon Juncaj e ka vënë apo nuk e ka vënë ujin në zjarr për këtë përshkallëzim të rrezikshëm të kriminalitetit shqiptar. Ky përshkallëzim padyshim përbën një rrezik prezent e të qartë për sigurinë amerikane./ Gjergj Thanasi





Lajmet e fundit nga