E fundit!

10:27 Opinione Luan Rama

Teza serbe e “Mercenarëve të UÇK-së” dhe marrëzitë e zëdhënësve të saj në Tiranë

Gjetja apo sajimi, e më pas edhe përdorimi publik i një ki...

Ekstradimi i “financierit të Habilajve”/ Ja, kë fajëson kreu i Prokurorisë së Krimeve të Rënda

30 Janar 2018, 14:21, Aktualitet CNA

Prokuroria e Përgjithshme, në një deklaratë ditën e premte, ?fajësoi? në një farë mënyrë dy prokuroritë, atë të Krimeve të Rënda dhe të Tiranës, që nuk ishin koordinuar, sipas saj, me njëra-tjetrën për dy procedimet që kishin nisur për Seitin.

Hajdarmataj ka thënë për ?Panoramën?, se ekstradimi i Nezar Seitit nuk duhet të ndodhte. Ai ka qenë i rezervuar me prononcimet në lidhje me rastin, i cili është subjekt i një hetimi disiplinor dhe penal, siç njoftoi edhe Prokuroria e Përgjithshme ditën e premte.

Megjithatë, Hajdarmataj thotë se Prokuroria e Krimeve të Rënda ka njoftuar Prokurorinë e Përgjithshme në lidhje me mungesën e informacionin për procedurat e ekstradimit të Nezar Seitit, që kishin nisur nga Ministria e Drejtësisë dhe Prokuroria e Përgjithshme.

Ai, madje, tregon se nga verifikimet që ka bërë Prokuroria e Krimeve të Rënda ditët e fundit, rezulton se vendimet e Gjykatës së Krimeve të Rënda dhe të Apelit të saj, kanë qenë të depozituara në sekretarinë e burgut ?Jordan Misja?, ku qëndronte Nezar Seiti. ?Jemi në një fazë analize të rastit, si nga Krimet e Rënda, ashtu edhe nga Prokuroria e Përgjithshme dhe më vonë do të kemi një qëndrim lidhur me këtë çështje.

Nga verifikimet që kemi bërë ne si Prokurori e Krimeve të Rënda, rezulton se të dyja vendimet e Gjykatës së Krimeve të Rënda kanë qenë të depozituara në burgun ku gjendej personi në fjalë. Sigurisht, që ai nuk mund të ekstradohej, por për këtë çështje do të kemi një qëndrim të mëvonshëm, pasi të përfundojë analiza?, tha Hajdarmataj.

Nga ana tjetër, lidhur me rastin, Prokuroria e Durrësit ka nisur me urdhër të Kryeprokurores së Përgjithshme, procedimin penal për ekstradimin e Nezar Seitit. Ky i fundit mbahej në burg si për efekt ekstradimi, ashtu edhe për llogari të Krimeve të Rënda, pasi u arrestua në operacionin e famshëm të Babicës, ku u kapën edhe 4 tonë drogë.