Hipokrizia e Bashës nuk njeh kufi/ Sulmon Qazim Sejdinin, në dhjetor i miratoi buxhetin

18 Janar 2018, 14:29, Aktualitet CNA

Kryetari i Partisë Demokratike, Lulzim Basha vazhdon çdo ditë e më shumë të shfaqet si një politikan i paaftë dhe hipokrizia e tij çdo ditë e më shumë duket se nuk ka kufi.

Luli vë maskë dhe e heq atë sa herë i duhet për interesat korruptive dhe klienteliste të tij dhe familjes, ashtu siç e vendosi në çadër me 18 maj në marrëveshje me Ramën, me 25 qershor kur humbi zgjedhjet, me 22 korrik kur manipuloi votat e demokratëve, kur mori LSI-në në krah dhe tani që do protestojë me Monikën.

Sot Lulzim Basha gjatë një takimi të zhvilluar në qytetin e Elbasanit, ka akuzuar kryebashkiakun Qazim Sejdini se ka fundosur shtetin ligjor në favor të bandave që sulmojnë policinë.

Sipas Bashës, Qazim Sejdini si modeli i Aleancës së Edi Ramës me krimin, ka fundosur shtetin ligjor në favor të bandave që sulmojnë policinë.

?Ato pamje shokuese tregojnë në fakt se ku është shteti i Edi Ramës. Shteti i Edi Ramës nuk janë policët brenda këtyre makinave apo jashtë atyre makinave. Shteti i Edi Ramës janë banditët, është Suel Çela, është Sanxhaktari dhe banditët e tjerë që kanë marrë peng qytetin e Elbasanit përmes kryepadrinos, Qazim Sejdinit.?-u shpreh kreu i opozitës.

Lulzim Basha ndoshta ka të drejtë në të gjitha akuzat e tij, por minimalisht duhej tu kishte kërkuar të falur demokratëve të Elbasanit për votat që Luli i dha me urdhër Qazim Sejdinit me 27 dhjetor, për të miratuar buxhetin e Bashkisë.

Në atë kohë u zhvillua mbledhja e Këshillit bashkiak dhe në mënyrë unanime u miratua buxheti, këshilltarët e PD-së votuan në rrjesht dhe bashkuan votat me socialistët. Një prej këshilltarëve i tha CNA (CityNewsAlbania) se votimi pro buxhetit ishte votim politik i urdhëruar nga Lulzim Basha.

Këshilltarët kanë zhvilluar një takim paraprak dhe kishin vendosur fillimisht të votonin kundër dhe ta kundërshtonin me fakte, por ka qënë urdhëri i kreut të PD, Lulzim Basha, që demokratët ta miratonin buxhetin e Qazim Sejdinit, duke bashkuar votat me socialistët dhe duke lënë qytetin e Elbasanit dhe qytetaret e saj pa opozitë në Bashki, pa zërin ndryshe dhe kundër.

Pasi i miratoi buxhetin, Lulzim Basha sot e ka akuzuar Qazim Sejdinin, duke e quajtur “kryepadrino”.

A nuk ishte ky Lulzim Bashë që urdhëroi këshilltarët demokratë të votonin pro buxhetit të ?padrinos? në më pak se një muaj më parë?/ CNA.al