Rikthehet propozimi i 43 deputetëve për shfuqizimin e ligjit të Gjykatës Speciale

28 Dhjetor 2017, 17:48, Aktualitet CNA

Pas një tërheqjeje disaditore është rikthyer në vëmendje të mediave dhë politikës kosovare kërkesa e 43 deputetëve të Kuvendit për mbajtjen e një seance të jashtëzakonshme për shfuqizimin e Ligjit për Dhomat e Specializuara dhe Zyrës së Prokurorit të Specializuar, që njihet si Gjykata Speciale për krime të luftë në Kosovë.

Sikurse raporton “Zeri.info”, që i referohet “Rel”, propozimi i bërë në datën 22 dhjetor për shfuqizimin e ligjit do të mbetet në fuqi dhe do të votohet nëse arrin para deputetëve.

Nait Hasani, deputet i Kuvendit të Kosovës nga Partia Demokratike e Kosovës, subjekt ky brenda koalicionit qeverisës në vend, thotë se kërkesa për shfuqizimin e Ligjit për Gjykatën Speciale është bërë për ndryshimin e karakterit etnik të gjykatës dhe të mos gjykohen vetëm pjesëtarët e Ushtrisë Çlirimtare të Kosovës, por të gjithë ata që kanë bërë krime të supozuara, përfshirë edhe individët e mundshëm nga bashkësitë tjera etnike në Kosovë.

Në anën tjetër, në një intervistë me Radion Evropa e Lirë, presidenti i Kosovës Hashim Thaçi ka thënë se ?nisma e deputetëve për Gjykatën Speciale nuk është një kërkesë për të sfiduar gjykatën, por është alternativë, sikurse që kanë edhe vendet e tjera të ish-Jugosllavisë: Kroacia, Bosnja dhe Serbia?.
Vendimi për Gjykatën Speciale i vitit 2015, sipas tij, mbetet në fuqi, por lidhur me nismën e 43 deputetëve, ndonëse në dy tentime ka dështuar të dërgohet para deputetëve të Kuvendit të Kosovës, ai ka thënë se çështja nuk është mbyllur.

Në anën tjetër, partitë opozitare mbeten të ndara në qëndrime lidhur me propozimin e 43 deputetëve për shfuqizimin e Gjykatës Speciale. Lidhja Demokratike e Kosovës, ka deklaruar se është kundër kësaj nisme.

Propozimi për shfuqizimin e Gjykatës Speciale ka ngjallur reagime të ashpra të ambasadorëve të vendeve të Quintit. Ambasadori i Shteteve të Bashkuara të Amerikës në Kosovë, Greg Delaëie, e ka cilësuar këtë veprim si ?ngulje e thikës pas shpinës ndaj Amerikës?. Ndërkaq, ambasadori i Britanisë së Madhe, Ruairi O?Connell, e ka quajtur mbrëmjen e 22 dhjetorit, si ?nata më e rrezikshme për Kosovën që nga përfundimi i luftës?.