web counter
LEXO PA REKLAMA!

SHKARKO APP

App Store
Google Play

Kapet një prej autorëve të vrasjes së efektivit të RENEA-s

23 Dhjetor 2017, 14:59, Aktualitet CNA

Një person i shpallur në kërkim ndërkombëtar është arrestuar nga ZQK Interpol Tirana, në bashkëpunim të ngushtë me autoritetet e Shteteve të Bashkuara të Amerikës por edhe me Organizatën Ligjzbatuese FBI.

I arrestuari është shtetasi, Ruhan Hiraj, 20 vjeç, lindur në Gjirokastër, I cili akuzohet si një prej autorëve të vrasjes së efektivit të RENEA-s, me datë 24.11.2015.

Ndaj Hiraj, Gjykata e Shkallës së Parë për Krimet e Rënda  Tiranë, me vendimin nr. 495, datë 24.11.2015, ka caktuar masën e sigurimit personal ?Arrest me burg?  për  veprën penale të ?Vrasja e punonjësve të Policisë Shtetit? e kryer në bashkëpunim, ?Vrasja e punonjësve të Policisë Shtetit e mbetur në tentativë? , ?Prodhim dhe mbajtja e armëve luftarake? dhe ? Prodhim, shitje e lëndëve narkotike?, parashikur nga nenet 79/b, 25, 79/b, 22, 25; 278/2 dhe 283  të K.Penal të R.Shqipërisë.

Vrasja e efektivit të RENEA-s ndodhi me datë  24.06.2015, kur forcat speciale RENEA janë futur/kanë ndërhyrë në fshatin Lazarat, Gjirokastër pas një informacioni për të shtëna me armë nga persona të panjohur.

Gjatë ndërhyrjes i arratisuri bashkë me persona të tjerë ka vrarë me armë zjarri punonjësin e policisë Ibrahim BASHA  si dhe ka tentuar të vrasë 5 punonjës të tjerë policie.

ZQK Interpol Tirana, në bashkëpunim me Prokurorinë e Përgjithshme dhe Ministrinë e Drejtesisë,  janë duke kryer të gjitha veprimet për ekstradimin sa më shpejtë të jete e mundur të shtetasit Ruhan HIRAJ drejt Shqiperisë./ CityNews





Lajmet e fundit nga