web counter
LEXO PA REKLAMA!

SHKARKO APP

App Store
Google Play

E fundit!

x

Balilajt më shumë armë me leje se çeta "Plakë e Vlorës"

16 Dhjetor 2017, 18:52, Aktualitet CNA

Nja 75 vjet më parë një raport shërbimi me firmën e nën/kolonel Gamucci-t të karabinierve për gjen. Crispino Agostinuci-n po të karabinierëve jepte informacion për një grup brigandësh shqiptarë në hinterlandin  (prapatokën) e Vlorës. Bëhej fjalë për atë që në terminologjinë komuniste quhet Ceta Plakë e Vlorës. Ky grup brigandësh sipas informacionit nuk kishte më shumë se 20 armë zjarri të brezit dhe të krahut.

Pas tre cerek shekulli trimat e të ashtuquajturit Eskobar i Ballkanit, Kel Balilit ia kishin kaluar për armatim Cetës Plakë të Vlorës. Ata kishin minimumi e theksojmë minimumi 22 armë me leje, duke filluar nga pistoleta e revolverë te ?assault Rifle?, pushkë sulmi që njerëzit e thjeshtë i njohin si kallashnikovi, M 16 apo Berettat 70/90. Me vulën e Drejtorisë së Policisë të Qarkut Vlorë, me firmat e disa oficerëve të lartë të policisë, trimat e Kel Balilit si personel i një kompanie me numër NIUS-i K36603503U janë pajisur me leje për të mbajtur armë zjarri edhe luftarake. Në lejet përkatëse është tipi, marka dhe numri serial i cdo arme. Pajisja me armë zjarri me leje për vëllezër e nipër të Kelit duke shkelur me të dy këmbët ligjin në fuqi (disa prej tyre kanë pasur precedentë penalë, kur janë pajisur me leje për armë-mbajtje), është një tjetër tregues se kjo është fiks policia, që duam!

Nuk kanë rëndësi emrat e përvecëm se cili nga sejmenët e Eskobarit të Ballkanit është pajisur me leje arme.Mund të jetë ndonjë ish drejtor zjarrfiksesh (në kohën e Berishës) si Remzi Bani ashtu sic mund të jetë edhe Bashkimi (Bako) i vëllai i Kelit. Në dokumentacionin për pajisje me armë zjarri madje edhe pasi  Balili u shndërrua në Eskobar të Ballkanit në mediat greke e më vonë në ato shqiptare e deri në deklaratat publike të ambasadorit Lu, ndeshim emra si ai i z. Sherif Bilo si psh. te ai dokumenti i marsit 2017.

Policia shqiptare pajis me linshencë për polici private dhe me leje për armëmbajtje një person si Kel Balili me precedentë për trafikim disa kuintalësh drogë, para se të shndërrohej në Eskobar, të kuptohemi drejt. Policia shqiptare edhe pasi bëhet ?marmalata e fikut? mullar dhe cahen diplomatët e huaj (nga Lu-ja te Romana) duke denoncuar ?after pilafi? Kel Eskobarin e Ballkanit nuk ia heq linshencën e policsë private, nuk ia heq armët me leje përkundrazi me raste edhe ia rinovon këto leje e linshenca! Z. Rama a është kjo polica, që duam?!?!?!?! Z. Lu a ndiheni fajtor, që i keni dhënë ?fletë lavdërimi? për luftë rezultative antidorgë  kësaj policie shqiptare, që jo vetëm kontribon aktivisht në kanabizimin (kokainizimin dhe heroinizimin e vendit), por edhe pajis me një arsenal armësh me leje narkosat shqiptarë?!?!?!?

Z.Rama zyra e juaj e agjitpropit me të drejtë akuzon ministrin e bujqësisë së LSI-së se ka pajisur qyl me toka shtetërore Balilajt. Ministri i brendshëm i PS-së ka armatosur me armë ME LEJE bandën e strukturuar kriminale të specializuar në narkotrafik, në pastrim parash të pista dhe në trafik armësh, municionesh dhe lëndësh plasëse. Thelbi i kësaj historie me Balili SHPK, me Balili KO, me Santa Quaranta Premium Resort e me ndonjë firmë tjetër, që zëvendësojnë njëra tjetrën si kukullat Matrioshkat është:

LSI-ja e pajisi narkotrafikantin me toka shtetërore qyl, ndërsa PS-ja e pajisi me armë me leje

Në këtë kontekst, për shkrimin tonë ia vlen të huazojmë titullin e një romani të Arcibald Kroninit: Dhe Yjet (Vlahutin & LU) rrinë e vështrojnë sesi pasurohen dhe armatosen narkosat shqiptarë. Aferim u qoftë narkotrafikantëve dhe politikanëve shqiptarë! Well done o Sui generis diplomatë euroatlantikë!

P.S. Ftojmë Policinë e Shtetit ta përgënjeshtrojë lajmin tonë duke publikuar dokumente, që ia ka anulluar linshencën për polici private, që ia ka hequr lejet për armëmbajtje ?trimave? të Kel Balilit! Ftojmë policinë shqiptare, që të publikojë dokumente për t?u shfajësuar si te ajo barcaleta me Pal Vatë: Unë (Hakiu-Pal Vata) dhe Rama- Sh.Enver nuk dimë gja, mos e ka bamun Sajmiri-Mehmeti me krye t?vet! /GJERGJ THANASI /CityNews





Lajmet e fundit nga