web counter
LEXO PA REKLAMA!

SHKARKO APP

App Store
Google Play

E fundit!

x

Kuvendi i Kosovës për 3 muaj ka miratuar vetëm 2 ligje

16 Dhjetor 2017, 18:12, Aktualitet CNA

Mund të jetë nga të rrallat, në mos i vetmi institucion legjislativ që ka një prodhimtari kaq të ulët pune, duke përbërë pse jo dhe rast pë ginesin parlamentar.

Nga tetëdhjetetetë ligjet e parapara në agjendë Kuvendi i Kosovës, që nga konstituimi i tij në shtator të këtij viti e deri me tash ka arritur të miratojë vetëm dy.

Sipas ?Zeri.info?, Instituti Demokratik i Kosovës, organizatë kjo që monitoron punën e Kuvendit, thotë se që nga konstituimi, nuk është parë punë e rregullt në Kuvend.

Artan Muratim nga ky institute, tha për Radion Evropa e Lirë se janë disa arsye se pse ka vonesë kaq të madhe në shqyrtimin dhe miratimin e ligjeve. Që nga nisja e konstituimit të tij, e kanë përcjellë zvarritje të shumta dhe ndërprerje të herëpashershme të punës.

Deputeti nga Lëvizja Vetëvendosje, Sami Kurteshi, anëtar i Komisionit për Legjislacion në Kuvendin e Kosovës, tha për Radion Evropa e Lirë, se ndër shkaktarët kryesorë që kanë bërë që të ketë pak ligje të miratuara janë vonesa e konstituimit dhe zgjedhjet komunale.

Deputeti Kurteshi është vetëm njëri nga disa deputetët të Kuvendit të Kosovës i cili ka qenë edhe kandidat për kryetar komune.

Megjithatë, ai thekson se edhe pse ka qenë kohë fushate zgjedhore, ka marrë pjesë në shumicën e seancave plenar kur ato janë mbajtur, siç deklaroi ai, për dallim nga disa deputetë të partive politike në pushtet dhe të kabinetit qeveritar.

Kurse, deputeti i pavarur Korab Sejdiu, po ashtu, anëtar i Komisioni për Legjislacion, tha se vonesat e miratimin e ligjeve pas konstituimit të Kuvendit janë të pajustifikueshme.

Ligjet që kanë të bëjnë me integrimet evropiane, ato për sistemin e drejtësisë dhe luftimin e korrupsionit, konsiderohen si më të rëndësishmet që duhet të miratohen nga Kuvendi i Kosovës brenda një periudhe sa më të shpejtë kohor, thonë disa nga deputetët e Kuvendit.





Lajmet e fundit nga