E fundit!

19:12 Politikë

Mbledhje surprizë me deputetët?/ Çfarë pritet të ndodhë më 30 korrik

E enjtja e 23 korrikut është parashikuar si dita kur do të...

Aksion në lumin Osum/ Klosi: Do shumëfishojmë turistët

15 Dhjetor 2017, 13:54, Aktualitet CNA

Ministri i Turizmit dhe Mjedisit, Blendi Klosi ka inspektuar mëngjesin e sotëm, aksionin e ndërmarrë për pastrimin dhe thellimin e shtratit të lumit Osum.

Në një prononcim për mediat, ministri Klosi ndërsa falenderoi kompaninë TAP dhe biznesin për ndihmën e dhënë u shpreh se, pasi qyteti i Beratit u përmbyt nga prurjet e lumit Osum u vendos të bashkërendohej me pushtetin lokal dhe me prefekturën duke kërkuar ndihmë prej tyre.

?Sot është një ditë e jashtëzakonshme për mua si ministër i Mjedisit pasi pas asaj që ndodhi në Berat kur qyteti u përmbyt nga prurjet e lumit Osum ne vendosëm të gjithë duke bashkërenduar forcat me pushtetin lokal, me prefekturën, duke kërkuar ndihmën edhe shumë faleminderit kompanisë operatore TAP dhe biznesit që na ofroi kaq shumë mjete duke bërë një aksion jetik për qytetin. Jetik pasi ne po pastrojmë lumin dhe shpresojmë shumë që me shirat normale qyteti të mos jetë më nën rrezikun e përmbytjeve. Jetik për qytetin sepse mendoj që bëjmë një aksion shumë të madh pastrimi për jetën e vetë qytetarëve të Beratit. Jetik për qytetin sepse mendojmë që një qytet që pret mbi 100 mijë vizitorë në vit presim që vitin tjetër, të shumëfishojmë numrin e turistëve që do të vizitojnë Beratin dhe është jetik për këtë dimension që qyteti të jetë i pastër?,- tha ministri Klosi.

Klosi shtoi se, aksioni i zhvilluar në lumin Osum është ndërmarrë nga të gjitha institucionet, kompanitë private, e deri tek nxënësit e shkollave, të cilët përveçëse do të pastrojnë do të mbjellin edhe pemë buzë lumit Osum.

?Është një aksion ku janë mobilizuar të gjitha institucionet, është një aksion ku janë mobilizuar shumë kompani private, janë mobilizuar nxënësit e shkollave dhe përveçse pastrojmë edhe do të mbjellim pemë pranë lumit, në qytetin e Beratit dhe të Urës Vajgurore për të mos lejuar që qyteti të vazhdojë të bëhet pis. Operacioni ynë mbarëkombëtar ?Pastrojmë Shqipërinë që duam? pra ?Pastrim dhe gjelbërim 2020? do të na krijojë mundësinë që ne të bashkojmë të gjitha forcat për të pasur një Shqipëri të pastër dhe të pyllëzuar si askund tjetër deri në vitin 2020?,- përfundoi Klosi. /CityNews