E fundit!

19:12 Politikë

Mbledhje surprizë me deputetët?/ Çfarë pritet të ndodhë më 30 korrik

E enjtja e 23 korrikut është parashikuar si dita kur do të...

Nën drejtimin e Ramës, vendi rrezikon izolimin

15 Dhjetor 2017, 13:16, Aktualitet CNA

Në një deklaratë për media, kryetari i Partisë Demokratike, Lulzim Basha është shprehur se, sot është një ditë e përshtatshme për të dalluar politikën që është në shërbim të qytetarëve nga politika që mbulohet me propagandë suksesi.

Basha tha se, nën drejtimin e Partisë Demokratike, 7 vjet më parë shqiptarët fituar të drejtën për të lëvizur të lirë të Evropë, ndërsa shtoi se, heqja e vizave ishte hapi më i madh i integrimit dhe i realizimit të qëllimit, për të qenë pjesë e Bashkimit Evropian.

?Sot është një ditë e përshtatshme për të dalluar politikën që jep rezultate dhe u shërben qytetarëve, me politikën që mbulohet me propagandë suksesesh, por në të vërtetë dëmton njerëzit.

7 vjet më parë, nën drejtimin e Partisë Demokratike, shqiptarët fituan të drejtën për të lëvizur lirisht në Europë. Heqja e vizave ishte akti me domethënës dhe ndoshta hapi më i madh i marrë deri tani i hapjes së vendit tonë, i përfitimit nga integrimi, i realizimit të aspiratës për të qënë pjesë e Europës. Heqja e vizave ishte fryt i një pune të jashtëzakonshme në vendosjen e ligjit, luftën kundër krimit, sigurimin e kufijve, pasaportat biometrike dhe i plotësimit të mbi 120 kritereve të forta teknike dhe politike?,- u shpreh Basha.

Gjithashtu, gjatë fjalës së tij, kryetari i PD-së theksoi se nën drejtimin e Edi Ramës, Shqipëria ka bërë hapa mbrapa.

?7 vjet më pas, nën drejtimin e Edi Ramës, Shqipëria ka bërë hapa mbrapa. Vendet anëtare e kanë vendosur Shqipërinë nën monitorim dhe vendi rrezikon izolimin për shkak të fuqizimit të krimit të organizuar me bazë në Shqipëri, për shkak të eksodit masiv nga keqqeverisja e Edi Ramës?,- shtoi Basha.

Në përmbyllje të fjalës së tij, Basha tha se, vendi ynë nën drejtimin e Edi Ramës u shndërrua në serën më të madhe të drogës në Evropë. Sakaq ai shtoi se, Shqipëria nuk ofron më siguri, por mbrojtje dhe sigurim për krimin e organizuar.

?Me Edi Ramën Shqipëria u bë sera më e madhe e drogës në Europë, sepse Shqipëria nuk ofron më siguri, por mbrojtje dhe pasurim për krimin e organizuar që trafikon lëndë narkotike e armë, dhe pushtetarët e lidhur me të. Këtë realitet e konfirmoi Europol vetëm një javë më parë. Sot pra, është një ditë e mirë për të bërë një reflektim dhe një dallim mes politikës që shërben, dhe një qeverie të lidhur me krimin, që mendon për veten e saj dhe një grusht oligarkësh e trafikantësh?, -përfundoi Basha. /CityNews