web counter
LEXO PA REKLAMA!

SHKARKO APP

App Store
Google Play

Basha i lidhur me korrupsionin/ E thotë Departamenti Amerikan i Drejtësisë

10 Dhjetor 2017, 11:15, Aktualitet CNA

Deputeti i PS, Ervin Bushati në një dalje për mediat sot ka bërë akuza të forta ndaj kreut të PD, Lulzim Basha.

Deputeti Bushati deklaroi se Basha ka blerë mbështetjen e lobuesve në Washington, duke dhënë 1 milion dollar dhe sipas tij këtë e thotë Departamenti Amerikan i Drejtësisë.

Ndër të tjera, Bushati u shpreh se këto janë para të pista, të cilat nuk dihen nga vinë dhe nuk janë deklaruar në formularin e vetdeklarimit në KQZ.

“Basha vazhdon të mos thotë asgjë për origjinën e 1 milion dollarëve me të cilat bleu mbështetjen e lobuesve në Washington.
Janë 1 milion dollarë para të pista, të cilat nuk dihet se nga vijnë dhe as se kush i pagoi. E vetmja gjë që dihet është se ato janë paguar nga parajsat fiskale për t?i shpëtuar deklarimit dhe se nuk janë pjesë e formularit të deklarimit të Partisë Demokratike në KQZ.
Këto nuk janë prova të siguruara prej nesh, por janë dokumente zyrtare të publikuara nga Departamenti Amerikan i Drejtësisë.”- u shpreh Bushati.

Gjithashtu deputeti Bushati ka hedhur akuza të forta edhe ndaj prokurorisë, të cilës i ka bërë thirrje të vihet në shërbim të qytetarëve.

?Nëse PD ka zgjedhur të heshtë siç ka bërë me skandalet e tjera, është e drejta e saj, por prokuroria nuk mund të heshtë. Prokuroria duhej të kishte nisur një hetim, por me heshtjen e saj rrezikon të bëhet palë me PD. Është detyrë e prokurorisë të tregojë që mund të bëhet drejtësi. PS i bën thirrje të kthehet në shërbim të qytetarëve?- deklaroi deputeti Bushati.?/ CityNews





Lajmet e fundit nga