web counter
LEXO PA REKLAMA!

SHKARKO APP

App Store
Google Play

LSI në panik nga largimi i militantëve/ Deputetët takime me të shkarkuarit nga administrata 

10 Dhjetor 2017, 10:05, Aktualitet CNA

Prej disa ditësh Lëvizja Socialiste për Integrim është vënë përballë një situate tepër alarmante, pasi për shkak të shkarkimeve që qeveria u ka bërë shumë militantëve të kësaj partie nga administrata e shtetit, këta të fundit kanë nisur të braktisin LSI-në, duke iu bashkuar natyrshëm PS-së por edhe për të ruajtur vendin e punës.

Dhe pikërisht për të ndalur këtë eksod, krerët dhe deputetët e LSI-së kanë mobilizuar të gjitha degët në vend, teksa mësohet se kanë nisur takime me të gjithë militantët që janë shkarkuar nga administrata.

Gazeta ?Sot? shkruan se në thuajse gjithë qytetet e vendit, deputetët e LSI kanë qenë në kontakte të drejtpërdrejta me gjithë militantët e shkarkuar, ku fokusi kryesor ka qenë t?i bindnin për të mos u larguar drejt Partisë Socialsite apo edhe drejt Partisë Demokratike.

Rasti më i fundit vjen nga qyteti i Gjirokastrës, ku sipas gazetes Sot, deputetë të Lëvizjes Socialsite për Integrim kanë pasur disa takime me njerëzit e vet të shkarkuar rishtaz nga administrata, por edhe ata që rezistojnë ende, të cilëve iu kanë kërkua që të behën të durueshëm, sepse pritet të ketë zgjedhje të parakohshme në muajin mars./ CityNews





Lajmet e fundit nga